Shqipëria vijon të mbajë rekord në Europë për shpenzimet nga xhepi që qytetarët bëjnë për shëndetësinë, një situatë që prek kryesisht pagesat për ilaçe, të cilat arrijnë në 59.7% të totalit të shpenzimeve shëndetësore.
Drejtuesi në detyrë i zyrës së OBSH në Tiranë, Gazmend Bejtja, gjatë një konference, theksoi nevojën për rritjen e financimit publik në sektorin e shëndetësisë.
"Në Shqipëri, financimi publik është në nivelin 3.3% të GDP, shumë më i ulët se mesatarja e vendeve të BE-së. Rekomandimi i OBSH është që ky financim të arrijë të paktën në 4.5% të GDP-së, gjë që do të ndikonte drejtpërdrejt në uljen e barrës financiare për qytetarët," deklaroi Bejtja.
E pranishme në konferencën e Dytë të UBF “Rikonceptimi i Kujdesit Shëndetësor, vizioni për një Shqipëri më të shëndetshme”, me pjesëmarrjen e farmacistëve dhe ekspertëve të fushës, ministrja e Shëndetësisë, Albana Koçiu tha se “vitin e ardhshëm, falë buxhetit rekord, të parit prej 1 miliard eurosh të aprovuar për sektorin e Shëndetësisë dhe Mbrojtjes Sociale, do të mund të bëjmë akoma edhe më shumë për qytetarët”.
Ministrja theksoi se një pjesë e rëndësishme e këtij buxheti, afro 130 milionë euro, do të shkojë për rimbursimin e barnave, duke mbështetur 400 mijë qytetarë për rreth 1.300 medikamente të rimbursueshme.
"Ky buxhet na lejon jo vetëm të sigurojmë barna cilësore dhe inovatore, por edhe të forcojmë partneritetin në sektorin farmaceutik, duke e bërë tregun tonë më të hapur dhe më të përshtatshëm për medikamentet e reja," deklaroi Koçiu.
Në përfundim të fjalës së saj, ministrja garantoi se sektori shëndetësor shqiptar është në rrugën e zhvillimit për të ofruar zgjidhje trajtimi gjithnjë e më efikase për qytetarët.
“Shqipëria nuk ofron më vetëm linjën standarde të trajtimit, por një gamë të gjerë medikamentesh dhe opsionesh të avancuara për kurimin e sëmundjeve,” përfundoi ajo.
Lajme të tjera
-
Organizata Botërore e Shëndetësisë në alert! Sëmundja misterioze në Kongo shkakton dhjetëra vdekje, prek kryesisht të rinjtë! Simptoma të ngjashme me Covid-19
6 Dhjetor, 16:37 -
Rama: 164 mijë persona me aftësi të kufizuara do të mbështeten nga buxheti 2025, program dhe mbështetje sociale
6 Dhjetor, 12:20 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Koçiu: 3,500 persona me aftësi të kufizuar të punësuar në shtet e privat
3 Dhjetor, 12:30 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
-
Koçiu takohet me kreun e Agjencisë së Energjisë Atomike në Vjenë: Do sjellim në Shqipëri pajisjen e imazherisë hibride PET-CT, diagnostikon hershëm kancerin
27 Nëntor, 13:06 -
Koçiu në Ministerialin e Vjenës: Shqipëria mbi 60 projekte bashkëpunimi me Agjencinë Atomike, rritje e trajtimit të pacientëve me kancer
26 Nëntor, 15:15 -
Dita kundër dhunës ndaj grave dhe vajzave/ Ministrja Koçiu: Kemi marrë nisma ndërgjegjësuese! Sot nisim fushatën 16 ditore me OKB-në
25 Nëntor, 09:39 -
Vaksinat kundër kancerit të qafës së mitrës te vajzat, Koçiu: Janë aplikuar mbi 9,344 doza te moshat 13-20 vjeçe
23 Nëntor, 15:17 -
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44
