OFL drejt mbylljes/ Nga 16 dhjetori s'dërgon më formularë! 589 subjekte deklaruan pasurinë

TIRANË- Operacionit Forca e Ligjit po i mbarojnë ditët. Zyrtarisht OFL skadon në datën 31, ditë kur është parashikuar për fundit e dërgimit të formularëve për deklarimin e pasurisë nga eksponentë të krimit. Përmes kësaj përmbylljeje, mbaron edhe puna për hetimin e pasurive të personave të dënuar brenda dhe jashtë Shqipërisë nga ana e Policisë, por kjo nuk nënkupton mbyllje të hetimeve në Prokuroria dhe Gjykata e Posaçme për formularët e dërguar.

Në datën 16 dhjetor, Operacioni Forca e Ligjit ka dërguar formularët e fundit, ndërsa në total këtë formularë për deklarimin e pasurive e kanë marrë 589 persona të dënuar, ose subjekte me të shkuar kriminale. Për shkak të pandemisë, OFL u detyrua që të ndërpresë punën për disa muaj, ndërsa kjo bëri që Ministria e Brendshme të kërkoj një akt tjetër normativ për të shtyrë afatin e punës.

Ajo që është bërë e qartë, është se nëse qeveria vendos një akt të ri normativ për të shtyrë afatin e OFL, nuk do të ketë shtim të personave, por vetëm atyre që për arsye të ndryshme ende nuk i është dërguar formulari për deklarim pasurie. SPAK deri më 5 nëntor të 2020 ka marrë në dorëzim 192 kërkesa për hetim pasurie, pasi pjesa më e madhe e tyre e kanë justifikuar pasurinë brenda 48 orëve, siç parashikohet edhe në ligj. Gjithashtu SPAK më herët kërkoi që formularët e OFL të trajtohen edhe në Prokuroritë e rretheve, kjo për shkak se organi i posaçëm i akuzës nuk përballon dot fluksin e tyre.

Sipas ligjit pasuritë e sekuestruara priten të kthehen në objekte sociale si kopshte çerdhe shkolla apo rajone policie. Objekti i parë i sekuestruar me OFL ishte resorti Golden i Hajrave në Shijak, i cili aktualisht është nën administrimin e agjencisë së aseteve të sekuestruara. Edhe pse OFL ka shenjestruar subjektet me të shkuar kriminale, shumë prej tyre kanë kaluar sprovën e pasurisë në SPAK apo në dyert e gjykatave. Rasti konkret është pasuria e Lulzim Berishës, ku OFL kërkoi mbi 20 prona të tij, por që u liruan dhe iu kthyen sërish me argumentin se ky individ i ka justifikuar.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Futja pordhes: 28/12/2020 21:36

    Shum njerez qe njihen ne shqiperi su ka vajt letra ta fillijn nga e para agton xhafaj eshte subjekt e shum emrabte tjer ne shwiperi po ketu thjesht propagand vetem

    Përgjigju
  • Eri: 28/12/2020 20:48

    Kjo OFL ishte per te hedhur hi syve.Atyre qe u dergonte formular OFL mund tja dergonte shume mire policia ose komisariati i zones me nje ligj te posacem per krim ekonomik dhe jo te behej publicitet me goca bjonde me syze dhe pordhe te tjera futja kot.

    Përgjigju
  • vjeshta: 28/12/2020 20:06

    Kaq e ishte,e zhdukën korrupsionin e larjen e parave?! Hahahaha

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit