OFL 'shënjestron' në Durrës dhe Korçë, 4 të dënuar për vrasje dhe trafik droge (Emrat)

OFL ka shënjestruar 4 të dënuar për prodhim e trafik droge dhe për vrasja në rrethana të tjera cilësuese.

Të dënuarit që kanë 48 orë kohë të deklarojnë pasurinë janë Mario Tebexhiku, Arben Shquti, Ledio Çyçllari, Emiljan Gjepali.

Mario Tebexhiku  banues në Korçë, i dënuar për veprën penale “Prodhimi dhe shitja e narkotikëve”;

Arben Shquti banues në Korçë, i dënuar për veprën penale “Trafikimi i narkotikëve”, mbetur në tentativë;

Ledio Çyçllari, banues në Korçë, i dënuar për veprën penale “Vrasja në rrethana të tjera cilësuese”;

Emiljan Gjepali banues në Durrës, i dënuar për veprën penale “Prodhimi dhe shitja e narkotikëve”.

Njoftimi i OFL:

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

M. T., banues në Korçë, i dënuar për veprën penale “Prodhimi dhe shitja e narkotikëve”;

A. Sh., banues në Korçë, i dënuar për veprën penale “Trafikimi i narkotikëve”, mbetur në tentativë;

L. Ç., banues në Korçë, i dënuar për veprën penale “Vrasja në rrethana të tjera cilësuese”;

E. Gj., banues në Durrës, i dënuar për veprën penale “Prodhimi dhe shitja e narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

TAG:
• Korce
• ofl
• Ledio Çyçllari
• Arben Shquti
• Emiljan Gjepali
• Mario Tebexhiku