POP 5

Lajmet më të lexuara të 5 minutave të fundit

Bota

OKB e shqetësuar për përshkallëzimin e dhunës në Mianmar

Armiqësitë janë ndezur në vend midis forcave të juntës ushtarake dhe grupeve të armatosura të pakicave etnike.
 

OKB e shqetësuar për përshkallëzimin e dhunës në Mianmar

Sekretari i Përgjithshëm i OKB-së Antonio Guterres

Sekretari i Përgjithshëm i Kombeve të Bashkuara është "shumë i shqetësuar" për "përshkallëzimin e dhunës" në Mianmar, ku armiqësitë janë ndezur midis forcave të juntës ushtarake dhe grupeve të armatosura të pakicave etnike, tha të enjten zëdhënësi i tij.

Antonio Guterres  është "shumë i shqetësuar për raportet e një përshkallëzimi të dhunës në Mianmar ", veçanërisht "në shtetin Rakhine, i cili po shkakton "vuajtje të reja dhe zhvendosje të reja", theksoi ai gjatë një konference në selinë e organizatës ndërkombëtare në Nju Jork. 
Ai gjithashtu dënoi "bombardimet ajrore" të cilat janë nisur "pa dallim, duke shkaktuar viktima në radhët të civilëve”.

Lufta midis ushtrisë dhe grupeve të ndryshme të armatosura opozitare shpërtheu pas grushtit të shtetit që përmbysi qeverinë e zgjedhur të Aung San Suu Kyi më 1 shkurt 2021.

Junta u trondit nga një sulm kryengritës në shkallë të gjerë vitin e kaluar, gjatë të cilit rebelët morën zona të gjera, kryesisht pranë kufirit me Kinë.

Anëtarët e Ushtrisë Arakan pohuan këtë javë se ata tani ishin në kontroll të plotë të "të gjithë zonës Maungdaw", në shtetin Rakhine, një zonë strategjike përgjatë kufirit të Mianmarit me Bangladeshin.

"Sekretari i Përgjithshëm përsërit apelin e tij për të gjitha palët në konflikt në Mianmar për t'i dhënë fund dhunës dhe i kujton të gjithëve detyrimin e tyre për të mbrojtur civilët sipas ligjit", tha Stephan Dujarric.

Ai gjithashtu u bën thirrje të gjitha palëve që "të shmangin nxitjen e mëtejshme të tensioneve ndër-komunale," shtoi ai.
 

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Ndiqni intuitën dhe mos kini frikë të merrni vendime të guximshme... Çfarë thonë yjet për ju sot

Ndiqni intuitën dhe mos kini frikë të merrni vendime të guximshme... Çfarë thonë yjet për ju sot

15 Janar, 07:11