POP 5

Lajmet më të lexuara të 5 minutave të fundit

Bota

OKB-ja miraton rezolutën ‘historike’ që siguron drejtësi për të mbijetuarat e përdhunimit

Organizata e Kombeve të Bashkuara miratoi të premten një rezolutë, kundër sulmeve seksuale. Kjo rezolutë siguron qasjen në drejtësi për të mbijetuarat e dhunës seksuale.

OKB-ja miraton rezolutën ‘historike’ që siguron drejtësi për të mbijetuarat e përdhunimit

Selia e OKB-së

Organizata e Kombeve të Bashkuara miratoi të premten një rezolutë kundër sulmeve seksuale. Kjo rezolutë siguron qasjen në drejtësi për të mbijetuarat e dhunës seksuale. Votimi i kësaj rezolute, e cila konsiderohet si historike, u mirëprit me britma gëzimi dhe duartrokitje nga audienca.

Në këtë dokument të miratuar me konsensus, Asambleja e Përgjithshme e Kombeve të Bashkuara u kërkon shteteve të sigurohen që viktimat dhe të mbijetuarit e dhunës seksuale dhe të dhunës me bazë gjinore të gjejnë drejtësi, si edhe të sigurojnë korrigjimin dhe dëmshpërblimin brenda kornizës së ligjit kombëtar dhe ndërkombëtar.

Kjo është hera e parë që OKB-ja miraton një rezolutë të pavarur që lidhet me përdhunimin, në kohë paqeje, sipas Amanda Nguyen, themeluese e një OJQ .

“Ajo që po u kërkojmë njerëzve nuk është vetëm të kuptojnë se stigma e përdhunimit është diçka që duhet hequr, por edhe të shikohen në pasqyrë dhe të pyesin: çfarë keni bërë për këtë”, tha Nguyen.

Një ekspozitë në selinë e organizatës në Nju Jork me titull “Çfarë kishe veshur?” qëndroi për ditë të tëra e hapur për të theksuar se veshja e viktimës nuk duhet të ketë asnjë ndikim në hetimet për përdhunim. Pantallona të shkurtra, fustane, madje edhe rrobat e banjës së një vajze të vogël u ekspozuan në 103 manekine në sallën e selisë së OKB-së nga mesi i korrikut deri të premten.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01