POP 5

Lajmet më të lexuara të 5 minutave të fundit

Sport

Olsi Rama: Titulli? Nuk urohet ditëlindja para se të vijë data, Gjicit i thashë të ketë kujdes vendin e dytë

Olsi Rama, drejtori i përgjithshëm i Partizanit, foli sot për çështjen titull si dhe Asamblenë e Përgjithshme të FSHF-së.

Në Asamblenë e Përgjithshme të FSHF-së si përfaqësues i Partizanit ishte drejtori i përgjithshëm Olsi Rama, i cili për shumë tema, duke filluar nga asambleja, te titulli, por edhe tek batutat e shkëmbyera me presidentin e Kukësit Safet Gjici.

12 pikë larg Kukësit, t’iu urojmë për titullin kampion apo e kini për ters?

Nuk është çështje e të pasurit gjë për ters. Është si puna e asaj nuk urohet ditëlindja para se të vijë dita. Edhe ne e dimë që kemi edhe 7 javë të tjera. Janë akoma në lojë edhe 21 pikë. Ka akoma goxha punë. Më pëlqeu një deklaratë e trajnerit që tha klubi kërkon rezultatet unë kërkoj gjithmonë 3 pikëshin. Për Partizanin e rëndësishme është të përformojë në çdo ndeshje të japë maksimumin. Mundësisht të arrijë objektivin sa më shpejtë të jetë e mundur.

Çerek shekulli pritje, keni bërë ndonjë përgatitje për festën?

Jo, jo! Nuk kemi bërë asnjë përgatitje.

Çfarë ishte e veçantë këtë vit për Partizanin?

Besoj se është disiplina, respekti i ndërsjelltë midis strukturave të klubit dhe lojtarëve dhe stafit teknik. Rregulli i vënë në skuadër, dëshira e djemve që bënë një grup të mrekullueshëm për të punuar. Qetësia që kanë pasur ata në vetëdijen e tyre se janë një grup i fortë dhe se rezultatet do të vijnë.

 

Detyra ime është të jem i kujdesshëm në çdo moment dhe për të mbajtur sa më larg euforinë, e cila ndonjëherë ndihmon, por në pjesën më të madhe të rasteve dëmton.

Patët një bisedë me Gjicin, ju uroi për titullin me qenë se është dhe rivali më i afërt?

Jo! Gjici më tha se kampionati nuk ka mbaruar. Unë i thashë ki kujdes vendin e dytë. Në kuadrin e shakasë.

Çfarë kishte të veçantë Asambleja?

Nuk e di është Asambleja ime e parë, nuk mund të them çfarë kishte të veçantë.

Prisni që Liga Profesioniste të jetë gati vitin e ardhshëm?

Jam “partizani” i Ligës dhe pretendoj që të marrë shumë më tepër përsipër dhe të bëjë diferencën. Të krijojë një produkt më të qëndrueshëm.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • USA: 15/04/2019 18:40

    Ja edhe ky qytetar amerikan por punon ne Shqiperi se eshte i zgjuar dhe Shqiperia ka shume nevoje per nje intelektual si ky.Rama nga tepsi e ktheu ne kazan .

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kardio-Kirurgu Pediatrik Prof. Arben Baboci: “Kam punuar me zemër për zemrën e fëmijëve”

Kardio-Kirurgu Pediatrik Prof. Arben Baboci: “Kam punuar me zemër për zemrën e fëmijëve”

24 Nëntor, 13:29 nga Doreada Mio