Olti Curri - Floriana Garos: More
famë në këmbë, pastaj në 'Opinion'

Olti Curri dhe Floriana Garo janë përfshirë në një debat me komente në faqen e opinionistit, kjo sepse moderatores nuk i ka pëlqyer që Olti në një nga postimet e tij e ka etiketuar si 'vajza e famshme e motit'. Gjithçka nisi me një postim në Facebook-un e Oltit, ku ky i fundit pasqyronte ankesën e një vajze, të cilës i ishte fshirë komenti kritikues që kishte lënë në faqen Jo Vetëm Modë, më konkretisht në statusin ku kërkohej opinioni i publikut rreth spektaklit "Miss Universe Albania" që u transmetua ditën e diel në 'Tv Klan'. Në edicionin e sivjetshëm të 'Miss Universe Albania' moderator ishte drejtori i programacionit Albert Dumani i shoqëruar nga ish-konkurentja e Big Brother Françeska Jaçe, ndërsa Floriana Garo ishte pjesë e panelit të jurisë. 

"Faqja ne facebook- Jo vetem mode, fshin komentet negative per spektaklin Miss Universe Albania. Ne faqen e emisionit "Jo vetem mode", qe transmetohet ne Tv Klan ku autor eshte Albert Dumani dhe moderatore vajza e famshme e motit Floriana Garo, eshte bere nje pyetje mbi fituesen dhe spektaklin e porsatransmetuar Miss Universe Albania dhe mes komenteve te ndryshme ishte edhe njeri qe e kritikonte ashper. Miq te faqes sinjalizuan madje duke derguar foto per te faktuar qe adminet e kesaj faqeje e kane fshire komentin qe i bente nje analize specifike deshtimit te ketij spektakli, gjithmone sipas mendimit te personit ne fjale..." - shkroi Olti krah fotove të komenteve të fshira, ndërsa menjëherë u ndesh me zemërimin e Florianës, që shquhet mes të gjithash për qetësinë.

Opinionisti nisi të 'tallet' me spektaklin sapo nisi të transmetohet dhe mbase ky postim i tij e 'mbushi kupën' për Garon, e cila shkroi: "Olti Curri boll promovove negativitete se nuk i bejne mire ndjekesve te tu! Kjo vajza e famshme e motit sic thua ti eshte AUTORE dhe MODERATORE e formatit Jo vetem mode. Faqja administrohet nga disa persona dhe nese i ka fshire dikush komentet negative dhe me mllef si puna e ketyre qe ben ti, mire kane bere!"

Miqtë e faqes së Oltit nxituan të mbrojnë këtë të fundit dhe t'i 'kundërvihen' moderatores së 'Jo Vetëm Modë', sidoqoftë ai iu kundërpërgjigj duke thënë: "Floriane e mire, po pra ate bera promovova negativitetin tuaj ndaj ndjekesve qe me diktature kerkoni ti impononi ate qe doni ju. Komenti nuk ka sharje dhe asnje ofendim personal. Se per komentet me sharje banale ben mire qe i fshin. Sa per autore "Jo vetem mode" eshte format i gatshem edhe nuk ka vend per autoresi. Vetem se te marresh kamerat edhe te intervistosh neper parukeri, ferma me rrush, apo neper dasma. Sa per motin, e ke gabim qe e paragjykon, aty more fame ne kembe, pastaj e rehatuar te kolltuqet e Opinion." 
FOTO

 FOTO të tjera

Redaksia Online
(m.p/shqiptarja.com)