POP 5

Lajmet më të lexuara të 5 minutave të fundit

Sport

Olympiacos nderon Greqinë, tifozët lënë pa gjumë dhe skuqin Athinën! Zhgënjim në Firence

Një sukses që e la Athinën pa gjumë për shkak të festimeve të mëdha nga tifozët, ndërsa shumë trishtim pati te italianët.

Olympiacos nderon Greqinë, tifozët lënë pa gjumë dhe skuqin Athinën! Zhgënjim në Firence

Tifozët duke festuar në Athinë

Olympiacos ka shkruar historinë. Me një gol në shtesë, nga lojtari më i mirë i tyre, grekët mposhtën 1-0 në finalen e Conference League Fiorentinën. Një sukses, i vulosur nga sulmuesi El Kaabi, që e bëri Olympiakosin klubin e parë grek në histori që fiton një kompeticion europian.

90 minutat e kohës së rregullt u mbyllën me rezultatin 0-0, ndërsa në shtesë sulmuesi maroken shtangu italianët, të cilët për të dytin vit me radhë mposhten në finalen e Conference League. Pas finales trajneri Vincebzo Italiano u shpreh se ‘Fiorentina nuk e meritonte të humbiste’, ndërsa kjo disfatë trishtoi shumë tifozët e klubit. Në Firence, konkretisht në stadiumin ‘Artemio Franchi’, 30 mijë tifozë ishin mbledhur për të shijuar sëbashku ndeshjen, por që nuk shkoi ashtu siç e prisnin.

Ndërkohë krejt ndryshe ishte situata te grekët. Si mos të mjaftonte festa në stadiumin e AEK-ut ku u luajt finalja, atmosferë e jashtëzakonshme u krijua edhe në rrugët e Athinës. Mijëra tifozë, me flakadanë dhe brohorima, lanë qytetin pa gjumë për këtë arritje historike.

Fitorja e Olympiacos pati ndikim të madh për kampionatin grek. Ata kaluan Danimarkën në renditjen e UEFA-s, duke shkuar në vendin e 15, ç’ka do të thotë se përveçse PAOK-ut kampion që merr pjesë në eliminatore si favorit në raundin e dytë, këtë mundësi do e ketë edhe AEK-u që e mbylli sezonin në vendin e dytë. Rivalët e Olympiacos do kenë mundësinë të luajnë në kualifikueset e Championsit, por në vazon e jo favoritëve. Sakaq fituesi i Kupës do jetë në raundin e 3 kualifikues të Europa League, ndërsa vendi i tretë dhe i katërt do marrin pjesë në raundin e dytë të Conference League.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Durrës/ Shumë banesa ende nën ujë, evakuohen disa familje, akomodohen te Kavalishenca! 40 ha tokë bujqësore nën ujë

Durrës/ Shumë banesa ende nën ujë, evakuohen disa familje, akomodohen te Kavalishenca! 40 ha tokë bujqësore nën ujë

30 Janar, 08:44