Operacion i madh anti-drogë në Itali/ Arrestohen 101 persona, mes tyre bosi i drogës që e kishte shpallur veten 'Skënderbe' (VIDEO)

Një operacion i madh anti-drogë i quajtur ‘Skenderbeg’ është zhvilluar në Catania të Italisë, duke çuar në pranga 101 persona, të cilët akuzohen për trafikim dhe shitje të lëndëve narkotike.

Dyshohet se 101 personat e arrestuar në këtë operacion kanë lidhje me Lorenzo Michele Schillaci, një prej liderëve të rinj të Cosa Nostras i cili identifikohej me 'Skënderbeun', heron shqiptar të viteve 1400.

Rreth 500 oficerë morën pjesë në këtë aksion që filloi para agimit, duke "çmontuar" 12 sheshe të tregtimit të drogës, me rrënjë në rrethin e San Giovanni Galermo, midis Egadi, Capo Passero, Pantelleria dhe Ustica, bastion historik i trafikut dhe shitjeve të drogës.

Jo pa qëllim edhe operacioni është quajtur 'Skënderbeg', por ndërkaq deri më tani mediet italiane nuk bëjnë me dije nëse ka shqiptarë të arrestuar.

Të arrestuarit janë të përfshirë në krijim të shoqatës mafioze, krijimin e grupit kriminal që synon trafikimin dhe shitjen e drogës dhe armëmbajtje pa leje.

Mediat fqinje kanë nxjerrë pamjet të mbledhura nga grupi hetimor, ku duket qartë mënyra sesi anëtarët e bandës shkëmbenin lëndën narkotike.

Be.K./b.ha./Shqiptarja.com
  • Sondazhi i ditës:

    LSI prezanton programin elektoral të njëjtë me atë të vitit 2009 kur erdhi në pushtet. Ju krijon besim realizimi i tij?

Komento


×

Lajmi i fundit

John

U arrestua dje në Shkodër, kush është Bledar Cafi i dënuar më parë në Itali për trafik droge dhe grup kriminal