POP 5

Lajmet më të lexuara të 5 minutave të fundit

Kronikë

Plantacion me kanabis në Malësi të Madhe, zbulohen 8 mijë fidanë në 27 sera! Arrestohet organizatori, nën hetim drejtori i pyjeve dhe punonjësit e Ujësjellësit (VIDEO)

Një plantacion droge është zbuluar në Malësi të Madhe ku ishin ngritur 27 sera, brenda të cilave ishin kultivuar në kubikë rreth 8 mijë fidanë të dyshuar me kanabis, gati për t'u mbjellë në tokë. Në pranga ka rënë 52-vjeçari Nesti Velaj alias Errnest Veshtaj, i dyshuar si organizator i kultivimit. Nën hetim janë vënë 3 punonjës të Bashkisë Malësi e Madhe.

MALËSI E MADHE – Një plantacion droge është zbuluar në Malësi të Madhe ku ishin ngritur 27 sera, brenda të cilave ishin kultivuar në kubikë rreth 8 mijë fidanë të dyshuar me kanabis, gati për t'u mbjellë në tokë. Fidanët ishin 20 metra në thellësi të kraterit që ka shërbyer për marrje inertesh ë vendin e quajtur “Badra e Mehajve”, në Koplik.

Në pranga ka rënë 52-vjeçari Nesti Velaj alias Errnest Veshtaj, i dyshuar si organizator i kultivimit.

Nga operacioni antikanabis i koduar “Krateri”, nisi hetimi për 3 punonjës të bashkisë Malësi e Madhe, Gjovalin Gjekaj, drejtori i pyjeve dhe punonjësit e Ujësjellësit, Roland Gjekaj (specialist) dhe Arben Hysaj (hidraulik). Ata mbulonin zonën ku janë gjetur fidanët narkotikë. Nga pamjet duket se serat janë në një ambient të hapur, ku janë dërguar bimët e kanabisit dhe sende që shërbejnë për rritjen e tyre që deri më sot kanë arritur t'i shpëtojnë syrit të policisë.

Gjatë kontrollit në banesën e organizatorit të dyshuar, u gjetën 3 armë gjahu, municion luftarak dhe 5 armë të ftohta (thika) që i mbante pa leje, të cilat u sekuestruan në cilësinë e provës materiale. 

Strukturat hetimore të Komisariatit të Policisë Malësi e Madhe dhe ato të DVP Shkodër, në bashkëpunim me Prokurorinë pranë Gjykatës së Rrethit Gjyqësor Shkodër, vijojnë veprimet për identifikimin dhe kapjen e shtetasve të tjerë të përfshirë në këtë veprimtari kriminale.

Materialet procedurale i kaluan Prokurorisë, për veprime të mëtejshme, për organizatorin e dyshuar, për veprat penale “Kultivimi i bimëve narkotike”, “Prodhimi dhe mbajtja pa leje e armëve të gjuetisë dhe sportive“ dhe “Prodhimi, mbajtja, blerja apo shitja pa leje e armëve të ftohta”, ndërsa për 3 punonjësit e Bashkisë Malësi e Madhe për veprën penale “Shpërdorimi i detyrës”.

Rendit zhvillimet sipas orarit:
Ora 09:31
‘Arenë’ kanabisi në Malësi të madhe, pamjet brenda platacionit me 27 sera

 

Këto janë pamjet e megaoperacionit në Malësi të Madhe me 27 sera kanabisi në Malësi të Madhe ku ran ë pranga një 52-vjeçar. U sekuestruan 8 mijë fidanë në 27 sera. 

G.MO/Shqiptarja.com

Ora 09:30
EMRAT/ Kush është 52-vjeçari që organizoi kultivimin e kanabisit në 27 sera në Shkodër! Nis hetimi për 3 të tjerë

 

52-vjeçari i identifikuar si Nesti Velaj alias Errnest Veshtaj është arrestuar nga policia në Malësi të Madhe pasi ishte organizatori i kultivimit të kanabisit në 27 sera.

Gjithashtu, nisi procedimi penal për shtetasit Gjovalin Gjekaj, Roland Gjekaj dhe Arben Hysaj.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Durrsaku: 29/03/2023 09:54

    O rama ! Po saliu thot qe je narkoshtrt ! Si i kapke ti keto kshu dhe para zgjedhjeve ????dhe ku ne shkoder ?????

    Përgjigju
    • Punto Nero: 29/03/2023 17:53

      Nuk mundet të jetë narko-shtet Rama. Ata i kanë mbjellë në kohën e Saliut. Ndërsa Rama i kapi. Rama, burrë i mirë. Si te ajo historia me mushkonja, avionë, rrota e avionit

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

24 Nëntor, 07:05