Shqipëria është vendi i parë në Ballkanin Perëndimor që ka finalizuar me Bashkimin Europian një marrëveshje për veprimet e FRONTEX, Agjencisë Europiane për Kufirin në territorin shqiptar, e cila ka nisur të zbatohet nga sot, duke sjellë në kufijtë shqiptarë 50 oficerë të FRONTEX.
Zëvendës Ministrja e Brendshme, Rovena Voda foli nga studio e ERTV-së mbi këtë bashkëpunim duke theksuar se marrëveshja është e të njejtit standard që vendet e BE kanë ndërmjet tyre, por e para e këtij lloji mes agjencisë dhe një vendi jo anëtar të BE si Shqipëria. Kjo sipas saj, tregon thellimin e besimit që vendet anëtare kanë ndaj Shqipërisë për bashkëpunimin në fushën e sigurisë dhe jo vetëm.
Voda sqaroi se oficerët e FRONTEX do të jenë të vendosur kryesisht në kufirin jugor të Shqipërisë, në kufirin e gjelbër që ndan Shqipërinë me Greqinë, në dy pikat më të mëdha kufitarë ne jug, Kakavija dhe Kapshtica.
Por çfarë përfiton pala shqiptare nga ky operacion i përbashkët?
“Përfitimet që sjell marrëveshja përveç menaxhimit të përbashkët të kufirit, janë mbështetja për ngritjen e kapaciteteve profesionale të Shqipërisë në një nivel të ri, si dhe mbështetje edhe logjistike. Oficerët që vijnë janë nga vendet anëtare të BE, si Republika Çeke, Gjermania, Hollanda, Austria dhe secila prej tyre sjell edhe automjete patrullimi, kamera termike, radarë, që do bëjnë një mbulim të gjerë të kufirit të Shqipërisë”, tha Voda.
Sipas zëvendës ministres, një nga qëllimet e operacionit është parandalimi i migracionit të paligjshëm në territorin shqiptar. Përqëndrimi i FRONTEX në kufijtë shqiptarë në disa zona të nxehta do të parandalojë ato flukse migratore që shpesh janë të facilituara nga individë apo grupe që merren me kontrabandimin e migrantëve.
Një tjetër fokus i marrëveshjes me BE-në janë ripranimet apo kthimet e migrantëve që kapen në territorin shqiptar në vendet e origjinës. Voda shtoi gjithashtu se së fundmi, misioni i asistencës së BE në Tiranë, PAMECA, ka vlerësuar maksimalisht profesionalizmin e oficerëve të policisë kufitare shqiptarë sa i takon aspekteve dhe praktikave të punës në menaxhimin e kufijve tanë./Lexo.al
Lajme të tjera
-
Arkë me peshk për të bërë një punësim në ministri, Apeli konfirmon dënimin me 1 vit e 3 muaj për ish zv. ministren Rovena Voda
11 Janar 2023, 14:44 -
Një arkë peshk dhe një celular e çuan 10 muaj në burg, Gjykata e Posaçme shuan masën për ish-zëvendës ministren Voda, fiton lirinë
15 Korrik 2022, 13:15 -
Mori ryshfet për punësim në ministri, dënohet me 10 muaj burg Rovena Voda
7 Prill 2022, 16:27
-
Mori ryshfet për punësim në ministri, SPAK kërkon 1 vit e 6muaj burg për ish-zv.ministren e Brendshme, Rovena Voda
2 Mars 2022, 11:07
-
Një arkë me peshk, 2 mijë euro dhe një celular për një vend pune në ministrinë e Brendshme, Rovena Voda kërkon gjykim të shkurtuar nga GJKKO
15 Shkurt 2022, 12:48 -
Mori një arkë me peshk, 2 mijë euro dhe një celular për një vend pune, SPAK dërgon për gjykim ish-zv.ministren Rovena Voda dhe dy të tjerat
13 Janar 2022, 15:55 -
Përplasen dy makina në aksin Korçë-Pogradec, përfundojnë në spital 2 police të Frontex
12 Nëntor 2021, 09:46 -
‘Një arkë me peshk, 2 mijë euro dhe një celular për një vend pune në ministrinë e Brendshme', lihet në arrest shtëpie Florida Beu
10 Gusht 2021, 16:35 -
Një arkë me peshk, 2 mijë euro dhe një celular për një vend pune, Apeli i GJKKO lë në 'arrest shtëpie' ish-zv.ministren Rovena Voda
5 Gusht 2021, 12:49 -
Koordinatorja e platformës ‘Gati për Shqipërinë’, Bora Muzhaqi ironizon Rovena Vodën: Nuk hyn në lojë miku, as larg qoftë ‘arkat e peshkut’
22 Korrik 2021, 12:20 -
Një arkë me peshk, 2 mijë euro dhe një celular për një vend pune, ish-zv.ministrja e Brendshme ankimon vendimin e gjykatës, avokati: Nuk ka rrezik largimi, apo prishje provash
21 Korrik 2021, 10:51 -
Deklarata e fortë e Petro Koçit: Në Fier duart e krimit janë shtrirë mbi financat publike, trafikantë të drogës po fitojnë tendera
16 Korrik 2021, 11:49
