TIRANË- Për herë të parë, pas 4 ditësh, Policia e Shtetit zbuloi se emri i operacionit të SPAK, ku u firmosën 50 urdhër-arreste për bosë të krimit brenda dhe jashtë vendit ku u goditën 7 grupe kriminale dhe u zbardhën disa ngjarje të rëndë të viteve të fundit, është i koduar “Revanshi”.
Në një njoftim të shpërndarë për mediat, blutë thonë se nga verifikimet e kryera përmes sistemit TIMS, 13 prej personave me urdhër arresti ishin larguar nga Shqipëria para zhvillimit të operacionit, ndërsa 6 të tjerë që ishin të shpallur në kërkim për llogari të veprave të tjera penale ishin jashtë shtetit.
Sipas Policisë së Shtetit, 11 prej emrave që pati urdhër-arresti me vendim të GJKKO dhe kërkesë të SPAK, mes tyre 2 punonjësit e policisë, ish-drejtori i Policisë Lezhë, Henerigert Mitri dhe polici Klodian Shahini, iu shmangën organeve të drejtësisë dhe nuk u bë i mundur arrestimi gjatë zhvillimit të operacionit.
Për 6 të tjerë nuk ishte e nevojshme të organizohej mobilizim forcash pasi kanë qenë në qeli dhe ekzekutimi i urdhër arresteve për ta u bë nëpër burgjet ku ishin të akomoduar. Në ditën e operacionit u kapën vetëm 14 persona, 8 prej të cilëve nga të gjitha forcat e policisë të angazhuara për ekzekutimin e vendimit të GJKKO dhe 6 të tjerë nga partnerët ndërkombëtar, në Itali, Spanjë, Belgjikë dhe Gjermani.
Praktikisht, Policia e Shtetit, brenda vendit rezulton të ketë pasur 19 persona, dhe vetëm 8 prej tyre mundi t’i kapë. Sipas bluve, deri tani nuk ka asnjë indicie se operacioni “Revanshi” është dekonspiruar, edhe pse 2 policët Henerigert Mitri dhe polici Klodian Shahini nuk u gjetën, të kërkuar nga SPAK për lejimin e mbushjes me kanabis të qarkut të Lezhës, kur punonin dhe drejtonin atje.
"Theksojmë faktin se asnjë strukturë e Policisë së Shtetit në nivel qendror apo vendor nuk është përjashtuar nga pjesëmarrja në operacionin “Revanshi” dhe deri tani nuk ka asnjë indicie për dekonspirim të operacionit.
Drejtoria e Përgjithshme e Policisë së Shtetit ka bashkëpunim shumë të mirë, të bazuar në ligj dhe në besueshmëri të plotë me SPAK-un, me GJKKO-në dhe me prokuroritë e juridiksionit të përgjithshëm", njofton Policia.
Përmes zbardhjes së komunikimeve në aplikacionet “SkyECC”, SPAK mundi të zbardh ngjarje që kishin mbetur të pazbardhura ndërsa gjatë kontrolleve në vilat e bosëve të krimit u gjetën rreth 3 milionë euro cash, flori e pasuri të tjera, në total 4.5 mln euro.
Prokuroria e Posaçme goditi grupin kriminal të Ervis Martinajt, i cili në aleancë me grupin e ish-deputetit, Arben Ndoka, dhe bashkëpunëtor me grupin kriminal të Avdylajt në Durrës, rekrutonin vrasës me pagesë të cilët veprojnë kryesisht në zonën e Fushë – Krujës dhe në zonën e Burrelit. Gjithashtu kontaktuan Emiljano Shullazhin për realizimin e vrasjes se Durim Bamit.
Komente
Lajme të tjera
-
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Sot ndeshja Shqipëri - Ukrainë, Policia e Shtetit publikon planin e masave të ndërmarra! Ja rrugët që do të bllokohen
19 Nëntor, 12:16 -
Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje (VIDEO)
17 Nëntor, 22:21 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Prezantohen drejtorët e rinj të policisë në Tiranë dhe Durrës, Ministri u lë porosi: Zbardhni sa më shpejt vrasjet e fundit, rihapni hetimet për ngjarjet e vjetra
16 Nëntor, 10:15 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Rinovohen drejtorët e policive në 12 qarqe, ikin të gjithë të vjetrit, vetëm 1 mbijeton! Në Tiranë Elton Alushi zëvendëson Tonin Vocajn (EMRAT)
14 Nëntor, 16:02
-
Emrat e rinj të 12 drejtuesve të policive në qarqe! Ministri porosi vartësve: Zbuloni sa më shpejt autorët e Masakrës së Shkodrës! Bashkëpunoni me SHISH e prokurorinë
14 Nëntor, 13:12 -
Kryepolici Ilir Proda zhvillon vizitën e parë jashtë vendit, zgjedh Kosovën! Takohet me homologun Gazmend Hoxha: Bashkëpunim për goditjen e krimit dhe trafiqeve
12 Nëntor, 14:37 -
Gara për shefat e 48 komisariateve/ Publikohet lista me 290 emra, 9 prej tyre janë gra
12 Nëntor, 10:10
SI MUND TE KAPEJ ISH DREJTORI QARKUT LEZHE NGA DRWJTORI RRUMOLLAKU ..... KUR RRUMULLAKU KA QENE DREJTOR I SHKB NE KOHEN KUR MITRI MBILLTE HASHASH DHE I CONTE DREJTORIT TE SHKB ZARFIN..... RRUMBULLAKU DUHET TE JAPI DORHEQJE SE E KTHEU POLICIN SI NE KOHEN E FOTOS "ÇIFTELIA"...
PërgjigjuDekonspiruar ka qene gjithmonë plage e madhe ne polici sepse krimi paguan shume....Duhet pa tjetër te hapen gjykatat ushtarake te cilat kane dënime te rrepta sepse keta qe punojnë ne polici kane firmosur per mbajtje sekreti prandaj duhen dënuar deri ne burgim te përjetshëm.
PërgjigjuJoooooo….. pyete per tu bere jane keto?
PërgjigjuDita që u përzgjodh pasi u konsultua me TIMS për aksion nga shefi "koincidoi" që të kërkuarit ishin të gjithë jashtë shtetit.
Përgjigju