POP 5

Lajmet më të lexuara të 5 minutave të fundit

Kronikë

Operatorët turistikë letër Ramës: Duam paketë të dedikuar, hiq fashën orare, hap plazhet e kufijtë, të huajt gati të vijnë në 1 qershor (VIDEO)

Unioni i Operatorëve Turistik kërkon hapjen e plazheve dhe të kufijve me rajonin në 18 maj. Në një letër dërguar kryeministrit Edi Rama ata kërkojnë një paketë të dedikuar turizmit, dhe të hapet sezoni i organizuar në mënyrë që të pengojmë falimentimin e bizneseve. Sipas tyre nëse situata vijon e tillë 70% e të punësuarve në këtë sektor rrezikojnë të mbesin të papunë.

Unioni Turistik Shqiptar i ka dërguar një letër të hapur kryeministrit Edi Rama duke i kërkuar që të hiqet fasha orare, të lejohet ushtrimi i aktiviteteve, të lejohet hapja e plazheve dhe me pas të hapet kufirit tokësore për turizmin rajonal. Sipas tyre deri në fund të muajit maj duhet të hapet një turizëm i organizuar dhe i kontrolluar, duke i dhënë mundësinë sektorit që të mbijetojë.

Edhe pse sektori i turizmit është i përfshirë në paketën e dytë të qeverisë ku 10 mijë të punësuar në sektor do të përfitojnë 40 mijë lekë në muaj, unioni thotë se vazhdojnë të kërkojnë një paketë të dedikuar atij.

Në letër ata ngrenë shqetësimin se masat parandaluese të ndërmarra kanë rënduar gjendjen e biznesit dhe nëse sezoni turistik nuk hapet të paketën në 18 maj shumë biznese do të falimentojnë, dhe rreth 70% e të punësuarve rrezikojnë të humbasin vendin e punës.

Nga ana tjetër në letër thuhet se aktiviteti i agjencive turistike, operatorëve turistik, guidave apo edhe transportuesit janë pothuajse në pikën zero të aktivitetit të tyre. Sipas unionit vetëm 70% e hoteleve janë të hapur edhe pse nuk kanë aktivitet.

Sa i takon operatorëve ndërkombëtar, unioni thotë se ata janë të gatshëm të ulin charterat e tyre në 1 qershor në Rinas, pasi kanë kryer parapagime për hotelet. Po ashtu nga ana tjetër ata shprehen të gatshëm për të zbatuar protokollin mjekësor të miratuar nga Ministria e Shëndetësisë, në mënyrë që të shpëtohet një nga sektorët që sjell 26% e të ardhurave totale të Prodhimit të Brendshëm Bruto.

Letra e operatorëve turistikë drejtuar kryeministrit Edi Rama

Lajmi në përditësim....

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vera: 08/05/2020 15:39

    SI KANE fytyre keta ndyresira e I drejtohen kryeministrit tone te nderuar ,,,,na hap plazhet,,,po ju I keni degjeneruar plazhet mor plehra me pallate bythe ne bythe ,,,vec hotel adriatikut qe eshte ndertuar qysh ne vitet e komunizmit,,,qe ka pishine ,,nuk ka asnje resort aty me pishina me 4 apo 5 yje,,,keni bere hotele Brenda mbi rere pa pishina,,,ku cmimi nuk I kalon 20-30 euro,,,,turp,,turp,,kur durresi duhej te kishte cmime 100-200 euro nata…..///

    Përgjigju
  • Kalimtari: 08/05/2020 11:50

    Nuk ka turizëm këtë vit hiqeni nga mëndja, jo turistë jo euro, punoni barbona. Keni gjith këto vite që zhvatni, asnjë lloj standarti, shërbimi përtokë fare, çmimet stratosferë.

    Përgjigju
  • Loran shehu: 08/05/2020 11:01

    Po morr hajduter po te beni lek juve mbi vdekjen e o maskarenj

    Përgjigju
    • Zef zefi: 08/05/2020 12:04

      Po ca propozon ti Loran? Te rrime te gjithe mbyllur e as mos te punojme e as mos te pushojme? Ta mbyllim shqiperine si ne kohen e xhaxhit? Mos do te veme edhe zborin e detyrueshëm dhe denim per agjitacion per ata qe nuk jane dakord?

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça