Edhe gara e pjesshme elektorale për Kukësin, një bashki në të cilën edhe e majta është në sfidën e rikthimit të besimit të qytetarëve përmes kandidatit Albert Halilaj pas video-skandalit Gjici, pritet ta gjejë sërish opozitën të ndarë në dy pjesë.
Vetë PD-ja zyrtare në Kukës kërkon një kandidat të përbashkët, si të vetmen mënyrë që vota e demokratëve të mos ndahet dhe të favorizojë socialistët, por kreu i kampit të Rithemelimit, Sali Berisha, shuan çdo mundësi bashkëpunimi me Lulzim Bashën, kreun e zgjedhur të PD-së në fundkorrik.
“Me Lulzim Bravën ka aleancë aq sa mund të ketë me Taulant Ballën. Kjo është përgjigja ime. Demokratët duhet të bashkohen, por Brava dhe Alibasha janë absolutisht pengje mjerane të keqpëdorura të Edi Ramës”.- tha Berisha.
Për deputetin Kreshnik Çollaku demokratët e Kukësit nuk e meritojnë të kenë sërish një bashki të drejtuar nga e majta si pasojë e problemeve brenda të djathtës.
‘Pra demokratet e Kukësit duhet të sakfrifikohen në opozitë, duhet të vazhdojnë të durojnë shokët e Safetit në Bashki të Kukësit, sepse Rithemelimi më “parë bashkëpunon me Taluant Ballën sesa me pjesën tjetër të PD.” E papërgjegjshme.’- shkruan Çollaku.
Lulzim Basha ende nuk ka shprehur zyrtarisht se cili do të jetë kandidati i PD-së për garën elektorale të 24 shtatorit, por Report Tv me burime mëson se favorit është kreu i PD-së në Kukës, Arif Rexhmati, e njëjta degë që kërkon një kandidat unik.
Berisha nga ana tjetër, të ndarë duket se ka vetëm mungesën e bashkëpunimit për një alternativë të përbashkët, pasi ende në këto momente që doli para gazetarëve në konferencë, nuk e ka një emër kandidati, dhe as mënyrën se si do të zgjidhet.
Anëtarët e degës së Rithemelimit në Kukës duket se nuk janë dakord me qëndrimin e Berishës për të garuar me një kandidat ndryshe nga PD zyrtare.
Dega e Partisë Demokratike, Kukës ka propozuar që opozita të dalë me kandidat të përbashkët fitues, duke lëne prapa konfliktet dhe përçarjen, për një qëllim të përbashkët: të mundin Rilindjen dhe Ramën ne zgjedhjet lokale të 24 shtatorit. Por kreu i Rithemelimit, Sali Berisha, edhe pse tha se ende nuk kanë një emër, u deklarua kategorikisht kundër një kandidati për gjithë opozitën, madje shtoi se më kollaj bën aleancë me Taulant Ballën, se me Bashën.
Mes kandidatëve të propozuar në anëtarët e Rithemelimit janë propozuar: Arif Rexhmati, Admir Sinanmati, Gëzim Shehu, Irel Elezi, Uran Cengu. Më herët në faqen zyrtare të PD-së u dha një mesazh për bashkimin e demokratëve.
Partia Demokratike dega e Kukësit, bën sërish thirrje që palët të dalin me një kandidat të përbashkët në zgjedhjet që do të mbahen më 24 shtator. Kjo thirrje për bashkim vjen fill pas deklaratës së Berishës, i cili tha se nuk do të bëjnë asnjë aleancë me Lulzim Bashën.
“Partia Demokratike Dega Kukës rikonfirmon para të gjithë anëtarëve dhe simpatizantëve të saj apelin për gjetjen e një zgjidhjeje gjithëpërfshirëse për të gjithë demokratët, bashkimin e tyre në një përfaqësim dinjitoz, për të garuar me një kandidaturë të gjithëpranuar.
Demokratët kanë humbur shumë prej frymës së konfliktit dhe gjuhës së përçarjes. Interesi i demokratëve dhe i të gjithë qytetarëve të Kukësit që duan ndryshim është dalja me një kandidat të vetëm të të gjithë spektrit opozitar për bashkinë Kukës.
Ka ardhur koha që të gjithë demokratët dhe opozitarët, të mos humbin më asnjë shans për shkak të vendosjes së interesit personal mbi atë të demokratëve.
Partia Demokratike është e përkushtuar pa asnjë rezervë dhe paragjykim për të mundësuar përfaqësimin dinjitoz të së djathtës shqiptare në garën për Bashkinë e Kukësit me një kandidat fitues dhe e hapur për bashkëpunim me të gjithë ata që duan një kandidat të denjë për Kukësin dhe një Parti Demokratike fituese, si e vetmja shpresë për kthimin e pushtetit në duart e qytetarëve”, shkruan PD e Kukësit.
Lajme të tjera
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Zhdukja e australianit në Valbonë, gazeta 'The Advertiser' ndërton kronologjinë e ngjarjes
23 Nëntor, 12:55 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
