Shefi i grupit parlamentar të Aleancës për Ardhmërinë e Kosovës (AAK), Besnik Tahiri, tha se qeverisja e kryeministrit të Kosovës, Albin Kurti, në dy vjetët e fundit, është veçuar me politikë arbitrare, antikushtetuese dhe varfëruese. Ai i bëri këto komente teksa prezantoi një propozim-rezolutë për punën dyvjeçare të Qeverisë së Kosovës.
Duke kritikuar punën e Qeverisë, Tahiri tha se ekzekutivi ka lënë pa udhëheqës dhe borde drejtuese disa prej agjencive më të rëndësishme të shtetit, përfshirë Trustin dhe Bankën Qendrore të Kosovës.
“Qeveria është arbitrare në vendimet që i ka marrë, në punësimet që i ka bërë – puro me kriter politik, partiak dhe nepotist”, theksoi Tahiri.
Tahiri, më tej, përmendi një serë aspektesh tjera, në të cilat, sipas tij, Qeveria ka dështuar në zhvillimin e politikave të mirëfillta, përfshirë këtu ekonominë dhe politikën e jashtme.
Kritika për Qeverinë pati edhe kryetari i Partisë Demokratike të Kosovës (PDK), Memli Krasniqi, i cili tha se për shkak të problemeve më të cilat po përballet Kosova, është rritur numri i qytetarëve që po migrojnë jashtë vendit.
“Përgjatë dy vjetëve të fundit, mesatarisht 147 persona në ditë e lëshojnë Kosovën për të kërkuar një jetë më të mirë jashtë vendit. Mesatarisht mbi 1.000 qytetarë në javë”, tha Krasniqi.
Ndërkohë, shefi i grupit parlamentar të Lidhjes Demokratike të Kosovës (LDK), Arben Gashi, kritikoi Qeverinë për nivelin e lartë të importit nga Serbia.
“Rezultati është deficit tregtar i paparë më herët”, tha Gashi.
Ai, më tej, akuzoi Qeverinë për mosmbajtje premtimesh dhe keqmenaxhim në dikastere të ndryshme.
Kurti: Zhvilluam ekonominë dhe forcuam sundimin e ligjit
Duke iu përgjigjur kritikave të opozitës, kryeministri i Kosovës, Albin Kurti, tha se në dy vjetët e kaluara, Qeveria ka treguar sukses në zhvillimin ekonomik të vendit përfshirë rritjen e investimeve, hapjen e vendeve të reja të punës, reformën në drejtësi si dhe luftimin e krimit të organizuar dhe korrupsionit. Duke folur për ekonominë, kryeministri Kurti tha se janë rritur eksportet, pasi, sipas tij, “këtë vit do të kalohet vlera prej një miliard eurosh”. Kjo, sipas kryeministrit, dëshmon gjallërinë e ekonomisë së Kosovës.
“Rritja ekonomike ka rezultuar edhe në rritje të punësimit. Për 21 muaj, nga marsi i vitit 2021 deri në dhjetor 2022, është rritur punësimi primar nga 325 mijë e 467 të punësuar në 362 mijë e 817 të punësuar. Pra, për 21 muaj, 37 mijë e 350 të punësuar më shumë, dhe numri i grave të punësuara është 50.3 për qind i rritjes së gjithmbarshme”, theksoi Kurti.
Kurti tha se dy vjet është vetëm gjysma e mandatit, dhe se ende iu mbetet punë për të bërë, por siç tha ai, statistikat tregojnë se ka sukses të pamohueshëm.
“Për dy vjet janë dyfishuar investimet e huaja direkte”, tha Kurti.
“Buxheti i shtetit është rritur me 760 milionë euro për dy vjet ndërsa ekonomia është rritur me 2.1 miliardë euro”, shtoi Kurti.
Kurti foli edhe për iniciativat e tjera të Qeverisë, siç është ligji për Byronë Shtetërore për Verifikimin dhe Konfiskimin të Pasurisë së Pajustifikueshme dhe vetingun në drejtësi. Ndër të tjera, Kurti tha se është punuar në forcimin e rendit dhe ligjit, duke veçuar arrestimin e mbi 300 zyrtarëve të dyshuar për vepra të ndryshme penale. Qeveria “Kurti 2”, u votua në Kuvendin e Kosovës më 22 mars 2021. Në shkurt të atij viti, Lëvizja Vetëvendosje, e drejtuar nga Albin Kurti, fitoi zgjedhjet parlamentare./ REL
Lajme të tjera
-
Kimete Berisha: Gruaja misterioze!
27 Nëntor, 11:41
-
Zbërthimi i SkyECC/ Mes 21 masave sigurie edhe emri i Prek Kodra, në 2021 u akuzua se do të vriste Albin Kurtin
26 Nëntor, 10:29 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Jakin Marena: Berisha ngre flamurin serb në Kuvend, Kurti zhbën shqipen, rastësi?!
20 Nëntor, 18:41
-
Kimete Berisha: Me Mickovskin kundër gjuhës shqipe
20 Nëntor, 11:20
-
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42
