Ora policore, nëndrejtori i Spitalit të Traumës: Gjatë ndërrimit të viteve më pak raste urgjencash (VIDEO)

Nata e ndërrimit të viteve, nga eksperiencat e mëparshme është shoqëruar me më pak aksidente si dhe incidente familjare. Nëndrejtori i spitalit Universitar të Traumës, Vrenos Hodaj u shpreh për Report Tv se ora policore ka reduktuar urgjencat e pergjithshme.

“Kam një bindje absolute që ora policore ka ndikuar në një farë mënyre pozitivisht që na ka reduktuar një farë mase numrin e personave të traumatizuar për shumë arsye. Në datën 31, 1 dhe 2 relativisht ka pasur një numër të konsiderueshëm urgjencash që kanë qenë të përziera më pas urgjenca kirurgjikale, të kirurgjisë së përgjithshme, të kirurgjisë abdominale” – tha Hodaj.

Por si ishte ky ndërrim vitesh në krahasim me të kalaurën për i përket emergjencave për shkak të aksidenteve

“E konsideroj si gjë pozitive por që megjithatë një numër i konsiderueshëm i 150 urgjencave në 24 orë është një numër për t’u marrë në konsideratë por që të gjithë janë trajtuar dhe nuk është problem madhor në spitalin e Traumës.” – tha Hodaj.

Por gjatë këtyre neteve ka patur edhe raste të ndërhyrjeve kirugjikale të personave me COVID, por që kanë dalë me sukses.

E.M./b.ha./Shqiptarja.com

TAG:
• urgjenca
• spitali i traumes
• koronavirusi ne shqiperi
• vrenos hodaj