POP 5

Lajmet më të lexuara të 5 minutave të fundit

Politikë

Organ kolegjial në krye të PD?! Këlliçi: Vendoset në 30 prill! ‘Thumb’ Bashës: I shërben Ramës, bën takime paralele

Kuvendi i 30 prillit do të përcaktojë nëse Partia Demokratike do të ketë kryetar apo një organ kolegjial si drejtues. Deputeti Belind Këlliçi thotë se ka një ftesë për të gjithë deputetët e grupit parlamentar që t’i bashkohen, ndërsa krizën në PD tashmë e sheh si një moment të tejkaluar.

Komisioni i Rithemelimit e konsideron të tejkaluar ndarjen e thellë politike të shkaktuar në Partinë Demokratike.

Për këtë arsye edhe Belind Këllici thotë se procesi i nisur për riorganizimin, nuk është përjashtues, ndryshe nga sa pretendon grupimi Basha.

“Ka një proces shumë të mirë të bashkimit të demokratëve, kudo që kemi strukturat tona. Deri në fund do prodhohet një bashkim real, konkret i PD. Nuk ka një proces të njëanshëm, por një proces zyrtar të Partisë Demokratike. Kushdo që ka refuzuar të pranojë realitetin dhe ka humbur kohë me situata imagjinare nuk ia kanë fajin demokratët, për këtë arsye ne shtymë edhe datën e Kuvendit. Nuk ka përjashtime, koha e tyre ka mbaruar kur partia blindohej dhe deputetët nuk lejoheshin të futeshin në seli”, thotë Këlliçi.

Ndonëse grupimi i Bashës e sheh kuvendin e 30 prillit si proces të njëanshëm, rithemelimi nuk tërhiqet nga ky organizim, madje Këlliçi i drejton një ftesë të hapur për pjesëmarrje të gjithë deputetëve.

“Janë të ftuar të marrin pjesë. Kushdo mund të vijë të ketë mundësinë të japë mendimin ndryshe”, vijon ai.

Këlliçi nuk përjashton mundësinë që në Kuvend të zgjidhet një kolegj për drejtimin e PD deri në përzgjedhjen e kryetarit të ri, proces që me gjasë do të marrë disa muaj.

“30 prilli do sqarojë çdo format të drejtimit të opozitës, qoftë me një organ kolegjial qoftë me një kryetar si normalisht, por kjo i takon vendimmarrjes në Kuvend”, tha Këlliçi.

Në fund, deputeti i PD nuk harroi një koment edhe për Lulzim Bashën që ka nisur një tur takimesh që sipas tij do ti shërbejë përbashkimit, por që në sytë e anëtarit të Rithemelimit shihet ndryshe...

“Kushdo që bën takime me axhenda paralele i shërben Edi Ramës”, theksoi deputeti.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • hektor: 07/04/2022 20:56

    Ky i shkreti mbeti KRRIC... Keta jane anti Amerikanet e ri te Sali non grates... Kjo eshte e ardhmja e PDh se PD nuk u be kurre.

    Përgjigju
    • Agim: 07/04/2022 23:20

      Te vjen keq per brezin e ri! Valle a nuk e di Belinda qe Saliu eshte hajdut,genjeshtar,spiun,vrases dhe non grata? Te gjithe keta ose jane naive te pa edukuar ose jane njelloj edhe ata hajdute si Saliu!

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Keni ngrënë shumë për festa? Ja si të vendosni ekuilibrin

Keni ngrënë shumë për festa? Ja si të vendosni ekuilibrin

26 Dhjetor, 13:35