POP 5

Lajmet më të lexuara të 5 minutave të fundit

Arkiva

Organizata Botërore e Meteorologjisë 
WMO:Efekti serë, më i larti në 30 vite 

Viti 2013-të ka qenë viti me ndotjen më të lartë ndër 30 vitet e fundit duke regjistruar një rekord të ri të pranisë së dioksidit të karbonit dhe gazeve të tjera me efekt serë në atmosferën tokësore. VIDEO
Viti 2013-të ka qenë viti me ndotjen më të lartë ndër 30 vitet e fundit duke regjistruar një rekord të ri të pranisë së dioksidit të karbonit dhe gazeve të tjera me efekt serë në atmosferën tokësore.
 
Këto janë të dhënat më të fundit nga Organizata Botërore Meteorologjike të prezantuara në Gjenevë në raportin vjetor ku në bashkëpunim me Kombet e Bashkuara ata denoncojnë për rritjen e acidifikimit të “paprecedentë” të oqeaneve dhe rrjedhimisht të kapacitetit të tyre për të absorbuar dioksidin e karbonit.

Sekretari i përgjithshëm Michel Jarraud, deklaron në komunikatën që shoqëron raportin vjetor nga “Greenhouse Gas” se: “Nuk ka asnjë dyshim se klima po ndryshon duke u bërë gjithnjë e më ekstreme dhe shkaku për këtë janë aktivitetet njerëzore , si djegia e qymyrit. Emëtimet e shkuara, të tashme dhe të ardhme të dioksidit të karbonit (CO2) do të kenë ndikim akumulues si në ngrohjen globale ashtu dhe në acidifikimin e oqeaneve. Ligjet e fizikës nuk janë të negociueshme.”

Rritja e përqëndrimit të karbonit në ajër, gazi kryesor me efekt serë që prodhohet nga aktiviteti njerëzor, në 2013-ën ka arritur shifrat e 396 pjesë për milion, 2,9 pjesë për milion më shumë nga viti i shkuar. Bëhet fjalë për rritjen më të madhe nga viti 1984, që kur ka nisur monitorimi i përgjithshme dhe më i besueshme i gazrave në atmosferën tokësore.

Gazi i dytë më kërcënues për efektin serë është metani ( më pak i përhapur, por shumë herë në i fortë), i cili është rritur me ritme të njëjta si në 5 viette e fundit me një mesatare në botë prej 1,824 pjesësh për milion. Gazi i tretë i dëmshëm është Oksid azoti i cili vazhdon të ketë një rritje të pandryshueshme në 10 vitet e fundit. 

Jaurrad bën thirrje se gjërat mund të ndryshohen dhe se njeriu mund ta mbajë nën kontroll ngrohjen globale dhe efektin serë, ndaj duhet që të gjithë të veprojnë pasi ka ende një mundësi për të shpëtuar të ardhmen e planetit dhe fëmijëve tanë.
 
Redaksia Online

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35