Organizata FETO është kthyer sërish në qendër të diskutimeve mes marrëdhënieve Shqipëri-Turqi pas kërkesës së presidentit turk Rexhep Taip Erdogan ndaj kryeministrit Edi Rama për të ‘spastruar’ përfaqësuesit e kësaj organizate në Shqipëri.
Lidhur me këtë çështje, studiuesi i marrëdhënieve ndërkombëtare, Marlind Laçi i ftuar në “Studio Live” me gazetarin Arbër Hitaj tha se anëtarët e organizatës “FETO” të cilët njihen si “gylenistë” kanë uzurpuar edhe Komunitetin Shqiptar Musliman.
“Gylenistët janë organizatë okulte që operon për të vendosur emisarët e saj në cdo post nevralgjik të një shteti me qëllim që t’i shërbëjne një personi me emrin Fetullah Gylen. Ngre një rrjet të madh tentakulash për të krijuar një shtet hije. Në Shqipëri nga kjo organizatë është uzurpuar edhe komuniteti musliman shqiptar. Kuptohet se janë gylenistë nëpërmjet formave sesi i kanë marrë bursat dhe predikimi i tyre. Myftiu i Tiranës nuk guxon të dalë e të thotë se nuk është gylenist apo të shkojë në gjykatë e të ngrejë një aktakuzë mbi sulmin e tij si anëtar i FETO-s.”- u shpreh Laçi.
Më tej, ai ngriti alarmin duke thënë se anëtarë të kësaj organizate janë në të gjitha institucionet e vendit dhe kanë ngritur një “shtet hije”, duke përmendur edhe disa institucione arsimore dhe shëndetësore të cilat sipas tij janë nën ndikimin e 'FETO'-s.
“Gylenistët janë kudo, në sistemin arsimor ku indoktrinojnë njerëz kryesisht të ardhur nga zona të thella të Shqipërisë si myftiu i Tiranës që është marrë si fëmij, është indoktrinuar në Turqi madje edhe i martojnë me anëtare të organizatës. Pra janë sekt dhe ia kushtojnë jetën këtij sekti. Në arsim, universiteti 'Ëestern Balkan', Bedër, në mjekësi mjekësi, spitali 'Hygeia' dhe spitali amerikan. Në politikë mjafton të hapni ato listëpagesat e bëra. Patëm edhe rastin e ish-ministrit të Jashtëm të Shqipërisë, Ditmir Bushati. I ke edhe në media, kudo. Ato shtrihen në media si gazetarë, redaktorë, kryeredaktorë. Një agjendë që nesër mund të sjellë probleme në demokracinë e brishtë shqiptare. Mund të ketë edhe në sistemin e drejtësisë, funksionojnë si shteti hije. Marrin drafte sesi funksionon organizata në Turqi dhe i përkthejnë edhe në shqip. Vetëm se këtu ka pushtet edhe më te fortë se ka edhe pushtetin fetar”- tha mes të tjerash studiuesi.
I të njëjtit qëndrim ishte edhe ish-myftiu i Tiranës, Ylli Gurra i cili deklaroi se Komuniteti Musliman i Shqipërisë është kthyer në një "grupim okult gylenist" dhe theksoi se SPAK duhet të nisë hetimet sa u takon shkeljeve të bëra me shitjen e pronave në Korçë që janë në emër të institucionit.
Ish myftiu i Tiranës, Ylli Gurra i ftuar në ‘Studio Live’ me gazetarin Arbër Hitaj në Report Tv hodhi akuza të forta duke deklaruar se Komuniteti Musliman i Shqipërisë është shndërruar në një pjesë të grupimit okult të gylenistëve që përfaqësojnë organizatën “FETO”.
“KMSH nuk konfirmon atë që, nuk është sot komunitet por komitet. Nuk është bashkësi që përfaqëson diçka por është shndërruar në një komitet pjesë e grupimit okult gylenist. KMSH nuk ka asnjë lloj kusuri të paguajë faturat e një grupimi okult gylenist në kurriz të shqiptarëve dhe muslimanëve”- u shpreh Gurra.
Më tej ai tha se kreu i KMSH Laurent Luli duhet të jetë subjekt i hetimit nga Prokuroria e Posaçme (SPAK) për shkak se sipas Gurrës, ka shitur ndërtesat në pronësi të komunitetit musliman në Korçë për shkak të falimentit.
“Sot ai që është rrogëtar më i parë në KMSH duhet të jetë subjekt i SPAK sepse shitet në mes të ditës me diell pasuria e muslimanëve të Korçës dhe të Shqipërisë bashkë me ndërtesat në Korçë. U shit lajmi sikur presioni i Erdogan i koordinuar me kryeministrin Rama solli mbylljen e medresesë së Korçës. Aspak e vërtetë! Një shitje e mirëfilltë për arsye financiare, prag falimenti”- tha ish-myftiu i Tiranës.
Komente
Lajme të tjera
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Mourinho telefonon Ronaldon, e fton të rikthehet në Evropë! Gati klubi i ri
22 Nëntor, 16:08 -
'Nuk pres të më nderojnë me lule', Lapaj në 'Studio Live': Ja gabimi më i madh i Ramës, Metës dhe Berishës
21 Nëntor, 18:29 -
Vota e diasporës/ Ish-kreu i KQZ, Kume: Koston e postës ta paguajë KQZ! Një familje me 4 votues në Kanada i bie të paguajnë 400 dollarë për kthimin e fletës
21 Nëntor, 17:57 -
Propozimi për mbylljen e TikTok dhe Snapchat/ Milva Ekonomi në 'Studio Live': Janë jashtë kontrollit të mësuesit dhe prindit! Duhet të mbrojmë fëmijët tanë
21 Nëntor, 17:31 -
Tentoi të nxirrte rreth 30 mijë euro nga Kapshtica, nën hetim 50-vjeçari turk! Paratë iu gjetën të fshehura në çantë në kabinën e kamionit
21 Nëntor, 09:51 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54 -
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Ngjela për Report Tv: Rama e ka të sigurt mandatin e katërt! PD s’ka vota pa ikur Berisha, është non grata
18 Nëntor, 21:09 -
Dosjet 'e nxehta'/ Adriatik Doçi: Meta është vizatuar si koka e korrupsionit, Kryemadhi merimanga! Përdorën biznesmenë si bankomat
18 Nëntor, 19:56 -
Vrasja e 14-vjeçarit, Softa: Të rinjtë qarkullojnë me thika në çanta! Jeta që bëjnë prodhon konflikt! Duhet të ketë shërbime pranë shkollës për parandalim
18 Nëntor, 18:44
Pse ka kaq shum njerez te trashe ne kete fe....!!?
PërgjigjuKy Gurra po ferkon duart se po shpreson ne ndonje lirim karrigeje,kurse ky Laci ka zelotizmin e te rinjve qe prishen objektet e kultit ne 67',ushtar besnik i sulltan Erdoganit!! Z.Laci,Gyleni mund te mos jete shenjt,por fakti qe U.S.i ka dhene strehim atij dhe organizates se tij,ka kuptim apo jo?! Po keshtu dhe BE qe nuk eshte terhequr para presioneve te Erdoganit per kete ceshtje ka nje domethenie apo jo?! Nje pyetje i duhet bere Lacrave e sylesheve te tjere si ai: Cfare shohin keto shtete perendimore te Erdogani,qe nuk pranojne t'i binden per FETO-ne??
Përgjigju