POP 5

Lajmet më të lexuara të 5 minutave të fundit

Bota

Origjina e Covid-19, Kina hedh poshtë planin e OBSH-së për një fazë të dytë hetimesh

Nuk ka fazë të dytë hetimi për origjinën e Koronavirusit, kanë deklaruar zyrtarët e lartë kinezë të cilët kanë refuzuar kategorikisht planin e Organizatës Botërore të Shëndetësisë për të studiuar mundësinë se virusi mund të kishte shpëtuar nga një laborator kinez.

Nuk ka fazë të dytë hetimi për origjinën e Koronavirusit, kanë deklaruar zyrtarët e lartë kinezë të cilët kanë refuzuar kategorikisht planin e Organizatës Botërore të Shëndetësisë për të studiuar mundësinë se virusi mund të kishte shpëtuar nga një laborator kinez.

Por Zeng Yixin, zv / ministri i komisionit kombëtar shëndetësor të Kinës, tha se Pekini nuk mund të pranonte një plan që “shpërfill mendjen e shëndoshë dhe sfidon shkencën”. Zeng tha se ai u befasua kur lexoi për herë të parë planin e OBSH-së sepse thekson shkelje nga ana e Kinës për sa i përket protokolleve laboratorike.

OBSH këtë muaj propozoi një fazë të dytë të hetimeve mbi shkaqet e pandemisë, duke përfshirë auditimet e laboratorëve dhe tregjeve në qytetin e Wuhan, duke kërkuar transparencë nga autoritetet.

 “Ne shpresojmë që OBSH të rishikojë seriozisht konsideratat dhe sugjerimet e bëra nga ekspertët kinezë dhe të trajtojë siç duhet origjinën e  COVID-19 si një çështje shkencore dhe të lerë menjë anë ndërhyrjet politike,” tha Zeng.

Ekspertët kinezë kërkuan nga OBSH-ja të zgjerojë përpjekjet për të zbuluar origjinën e COVID-19 përtej Kinës.

"Ne besojmë se një aksident në laborator është jashtëzakonisht i vështirë dhe nuk është e nevojshme të investohet më shumë energji dhe përpjekje në këtë drejtim," tha Liang Wannian, udhëheqësi i ekipit kinez në ekipin e përbashkët të ekspertëve të OBSH. Duhet të kryhen më shumë studime mbi kafshët, veçanërisht në vendet me popullsi lakuriqësh, tha ai.

Edhe pse ka kaluar pothuajse 20 muaj që nga shfaqja e rasteve të para me COVID-19 origjina e virusit mbetet e kontestuar midis ekspertëve.

Rastet e para të njohura u shfaqën në qytetin kinez të Wuhan në dhjetor 2019 dhe besohej se ai kaloi nga kafshët tek njerëzit në një treg të qytetit.

Në maj, Presidenti i SHBA Joe Biden urdhëroi ndihmësit të gjejnë përgjigje për të gjitha pyetjet në lidhje me origjinën e virusit, duke thënë se agjencitë e inteligjencës amerikane po ndiqnin teori të ndryshme duke përfshirë mundësinë e një aksidenti laboratorik në Kinë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça