POP 5

Lajmet më të lexuara të 5 minutave të fundit

Arkiva

OSBE, KiE: KQZ të ndahet
nga politika, të garantojë votën

Krerët e tre misioneve vëzhguese, OSBE-së, KiE dhe të Asamblesë Parlamentare të OSBE-së, nëpërmjet një deklarate të përbashkët i bëjnë thirrje liderëve politikë të shfrytëzojnë këto ditë që kanë mbetur në një mënyrë sa më konstruktive. Më 24 qershor raporti paraprak. (Foto: Delegacioni i KiE, i kryesuar nga Luca Volonte në Tiranë)
Kukan-Totozanit: Shpresojmë të shkojnë mirë ato zgjedhjet
TIRANE -   Krerët e tre misioneve vëzhguese të OSBE-së, KiE dhe të Asamblesë Parlamentare të OSBE-së nëpërmjet një deklarate të përbashkët i bëjnë thirrje liderëve politikë të shfrytëzojnë këto ditë që kanë mbetur në një mënyrë sa më konstruktive që procesi zgjedhor të mos ketë pengesa.
 
“Ne i bëjmë tirrje anëtarëve të Komisionit Qendror Zgjedhor të marrin përsipër pa vonesë detyrat dhe përgjegjësitë e tyre për një proces elektoral të qetë. Institucioni i administrimit të zgjedhjeve duhet të funksionojë i ndarë nga politika, duke garantuar se vullneti demokratik i votuesve të respektohet nga të gjitha forcat politike dhe të implementohet nga autoritetet.   Kundërshtitë ligjore nuk duhet të pengojnë punën e vështirë dhe kritike të institucioneve demokratike-" thuhet në deklaratën e përbashkët të kreut të delegacionit të misionit vëzhgues afatshkurtër të OSBE-së, ai i Parlamentit të OSBE-së, si dhe kreu i delegacionit të vëzhguesve të Këshillit Europian.

Deklarata është publikuar sot, dy ditë para zgjedhjeve të 23 qershorit në faqen zyrtare të Asamblesë parlamentare të OSBE-së. 

Deklarata është firmosur nga Roberto Battelli, kreu i misionit vëzhgues afatshkurtër të OSBE-së, João Soares, kreu i delegacionit të Asamblesë Parlamentare të OSBE-së dhe Luca Volontè, kreu i delegacionit vëzhgues të Këshillit të Europës.

TE HENEN E 24 QERSHORIT RAPORTI PARAPRAK
Raporti paraprak i vëzhguesve ndërkombëtarë, që monitorojnë zgjedhjet parlamentare në Shqipëri, do të prezantohet të hënën në një konferencë për shtyp.
 Deklarata do të mbahet nga Roberto Battelli, Kordinatori i Veçantë që drejton misionin afatshkurtër të vëzhgimit të OSBE-së, duke vijuar me Luca Volontè, Kreun e delegacionit PACE, João Soares, Kreun e delegacionit të OSCE PA, dhe Conny McCormack, Kreun e misionit afatgjatë të vëzhgimit të zgjedhjeve të OSBE/ODIHR-it.
 
Misioni ndërkombëtar i vëzhgimit është një përpjekje e përbashkët që përfshin OSBE-në, Zyra për Institucionet Demokratike dhe të Drejtat e Njeriut (OSBE/ODIHR), Asamblenë Parlamentare të OSBE-së (OSCE PA) dhe Asamblenë Parlamentare të Këshillit të Europës (PACE).
 
Kjo përpjekje e përbashkët përbëhet nga më shumë se 380 vëzhgues nga 43 shtete, duke përfshirë 48 vëzhgues dhe ekspertë afatgjatë nga OSBE/ODIHR-i dhe 240 vëzhgues afatshkurtër të deleguar ose të financuar nga shtetet pjesëmarrëse me kërkesë të OSBE/ODIHR-it, si dhe 48 parlamentarë dhe staf nga OSCE PA, dhe 24 nga PACE

Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03