POP 5

Lajmet më të lexuara të 5 minutave të fundit

Arkiva

OSBE: Qeveria të sigurojë konkurim të drejtë në tregun e medias

TIRANË, 25 qershor/ATSH/.- Ambasadori i OSBE-së në Tirane, Florian Raunig tha sot qeveria shqiptare duhet të sigurojë një kuadër për konkurim të drejtë në tregun e medias. Format e klientelizmit që përdorin elitat politike për të përfituar favore nga media, sidomos mënyra si zyrtarët përdorin burimet publike për të ndikuar në përmbajtjen editoriale të medias […]
TIRANË, 25 qershor/ATSH/.- Ambasadori i OSBE-së në Tirane, Florian Raunig tha sot qeveria shqiptare duhet të sigurojë një kuadër për konkurim të drejtë në tregun e medias. Format e klientelizmit që përdorin elitat politike për të përfituar favore nga media, sidomos mënyra si zyrtarët përdorin burimet publike për të ndikuar në përmbajtjen editoriale të medias në Shqipëri, ishin në qendër të një tryeze të rrumbullakët, organizuar sot nga Këshilli i Europës dhe OSBE.
Në fjalën e tij ambasadori i OSBE-së, Florian Raunig tha se një nga problemet kryesore strukturore në Shqipëri mbetet mungesa e qëndrueshmërisë ekonomike të medias. "Janë shumë media për një treg të vogël dhe të pakonsoliduar dhe që ky sektor të konsolidohet nevojitet procesi i filtrimit të tregut. Ashtu si dhe me bizneset e tjera, i takon qeverisë të sigurojë një kuadër për konkurrim të drejtë në treg", u shpreh ambasadori.
Ai e konsideroi një cështje mjaft të rendësishme për shoqërinë shqiptare instrumentalizimin e medias përmes reklamave dhe prokurimeve publike. "Të gjitha analizat përkatëse mbi mjedisin e medias shqiptare, vënë në dukje trekëndëshin problematik mes biznesit, politikës dhe pronarëve të mediave. Kjo na drejton te çështja e ndërsubvencionimit të mediave nga bizneset e tjera të pronarëve të tyre, te marrëdhëniet e pronarëve të mediave me politikën, dyshimet për reklama shtetërore të shpërndara politikisht, dhe te klientalizmi i medias", theksoi Raunig.
Duke e konsideruar këtë ceshtje një sfidë të vështirë për profesionalizmin dhe standardet e gazetarëve zyrtari i OSBE-së u ndal tek tre aksiomat kryesore që lidhen me këtë të. "Së pari media dhe gazetarët duhet të qëndrojnë të pavarur nga subjektet që janë në fushën e mbulimit të tyre; besnikëria e gazetarëve duhet të drejtohet ndaj qytetarëve dhe duhet të shërbejë si monitoruese e pavarur e pushtetit dhe së treti vetëm një media e qëndrueshme ekonomikisht mund t'u rezistojë presioneve që vijnë nga drejtime të ndryshme të shoqërisë", tha ambasadori i OSBE-se ne Tirane. /a.s/./a.g/

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mijëra njerëz protestojnë kundër konventës së partisë së ekstremit të djathtë në Gjermani

11 Janar, 18:40