POP 5

Lajmet më të lexuara të 5 minutave të fundit

Politikë

OSBE, shqetësim votimi i invalidëve
100 mijë u penalizuan në zgjedhje

OSBE e KQZ, diskutojnë përmirësimin e kushteve të votimit. Në zgjedhjet u penalizuan 100 mijë persona.
TIRANE- Misioni i OSBE në bashkëpunim me KQZ si dhe instutucione të tjera në vend  mbajnë sot një mbledhje në lidhje me ushtrimin e të drejtës së votës për personat me aftësi të kufizuar.

Në zgjedhjet parlamentare u penalizuan për mungesë të kushteve të votimit rreth 100 mijë persona me aftësi të kufizuar.
 
“Ushtrimi i të drejtës së votës nga personat me aftësi të kufizuar”, është tema kryesore e tryezës së përbashkët që mbahet nga misioni i OSBE në bashkëpunim me KQZ.  Kategori të ndryshme të personave me aftësi të kufizuar kanë patur probleme të shumta në zgjedhjet që u mbajëtn në 23 qershor. Për mungesë të fletëve të votimit që janë të posaçme për të votuar të verbrit në vend, mungesa e kushteve si dhe disa problme të tjera ka bërë që në zgjedhjet parlamentare që u mbajtën në 23 qershor, të penalizoheshin nga e drejta e votës mbi 100 mijë persona. Në takimin Ky shqetësim pritet që të ngrihet edhe gjatë mbledhjes së sotme, ku të ftuar për të diskutuar do të jenë edhe përfaqësues të Shoqatave të Personave me Aftësi të Kufizuara, Komisionerja për Mbrojtjen nga Diskriminimi, Avokati i Popullit, Përfaqësues të UN Ëoman, UNDP, USAID Albania, Këshillit të Europës, NDI, ADRF.

Problematikat
Nga zgjedhjet parlamentare që u mbajtën në 23 qershor sipas të dhënave rezultuan se nga e drejta e votës u penalizuan 100 mijë persona, përfshirë këtu kategori të ndryshme persona të verbër, të ngujuar, invalidët e Punës, tetra e paraplegjikët, shurdh-memecët si dhe të sëmurët që ndodheshin në ambientet e spitaleve. Në të njëjtën kohë shqetësuese për këto zgjedhje ishte dhe mosvotimi i personave të ngujuar, numri i të cilëve ishte më i lartë se në zgjedhjet e kaluara. Krijimi i kushteve të personave me aftësi të kufizuar ka qenë problem edhe në raportet që janë paraqitur nga organizata të ndryshme të cilat kishin mision vëzhgues në zgjedhjet parlamentare të 23 qershorit. Ndërkohë që nga ana e tij, Komisioni Qendror i Zgjedhjeve parashikoi edhe realizimin e një projekti për prodhimin e fletëve të posaçme për të verbrit, i cili dështoi. KQZ nuk garantoi shabllonët sipas sistemit brail, me anë të të cilëve do të mund të votonin të verbërit këtë vit.
 
 Shkrimi u publikua sot (24.10.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Historia e nënë e bijë që u kthyen pas 20 vitesh nga Kanadaja! Rama në ‘Podcast’: E dashuroj paqen, por nuk e gjej

Historia e nënë e bijë që u kthyen pas 20 vitesh nga Kanadaja! Rama në ‘Podcast’: E dashuroj paqen, por nuk e gjej

11 Janar, 09:47