OSBE: Të bëhen transparente ligjet,
konsultimet publike domosdoshmëri

TIRANE-Përfaqësuesi i prezencës së OSBE në Tiranë, Wilton kërkon nga Kuvendi që bëj transparencë me projektligjet, duke i dhënë një rëndësi të madhe konsultimeve publike.

“Shoqëria civile e parlamenti po zgjasin duart drejt njëri tjetri, por nuk kanë arritur aq sa duhet, ne jemi të vendosur ti ndihmojmë. Nuk ka rregulla të qarta të konsultimit publik, projketligjet nuk bëhen transparente, bëhen pa konsultimet publike. Pr/ligjet jo gjithmnonë janë postuar në faqet e internetit dhe shumë prej tyre janë vendosur në rend  dite në vijim të një njoftimi të shkurtër pa konsultime të mjaftueshme apo kohën e duhur për shqyrtim.  Adresimi i këtyre çështjeve do të mudësonte një proces konsultimi më transparent dhe gjithëpërfshirës, duke rritur besimin e publikut në hartimin e legjislacionit. “ deklaroi zv/ambasadori i OSBE-së në Tiranë.

Këto deklarata Wilton i bëri në tryezën e organizuar nga OSBE në bashkëpunim me Kuvendin e Shqipërisë me temë “ praktikat më të mira në nxitjen nga parlamenti të pjesëmarrjes qytetare të organizatave të shoqërisë civile dhe institucioneve të pavarura”. Sot është dita e parë e kësaj tryeze.

Wilton u ndal tek projekti i “Ura” një nismë kjo e OSBE që ka si qëllim përfshirjen e shoqërisë, partenerëve social dhe Parlamentit në dialog të vazhdueshëm.

Vangjel Dule, nënkryetari i Parlamentit i cili hapi diskutimin vlerësoi se “veprimtaria e Parlamentit duhet të jetë transparente dhe përfshirja e shoqërisë civile në legjislativin përbën obligim madhor.

Redaksia Online
(azh/shqiptarja.com)

TAG:
• OSBE