Me një ceremoni që mund të rivalizojë çdo samit të NATO-s për nga serioziteti dhe pompoziteti, Prezenca e OSBE-së në Shqipëri ka organizuar takimin e dytë rajonal të ekspertëve për të diskutuar... . përmirësimin e kuadrit rregullator për njësitë e qenve të policisë.
Ngjarja e dates 1 Mars, e cila lë në hije dy samite të rëndësishme të mbajtur po në Tiranë do të hyje në histori si kontribut i çmuar jo vetëm për sigurinë rajonale, por edhe për diplomacine ndërkombëtare.
Eventi që mblodhi elita të qenve të policisë nga e gjithë Ballkani dhe më gjerë, u raportuar në detaje nga media gjysem zyrtare.
"Duke marrë parasysh sfidat e ngjashme me të cilat përballet rajoni ynë," tha një zyrtar i OSBE-së me një seriozitet që do të bënte për të qeshur edhe një anëtar të Gjykatës Kushtetuese, "këto takime shërbejnë si një platformë për shkëmbimin e njohurive mes qenve që përfitojnë nga projektet e ndihmës së OSBE-së."
Ndërsa, një përfaqesues i lartë i Ministrise se Brendshme, theksoi rëndësinë e këtyre takimeve për "rritjen e kapaciteteve të Policisë Kufitare dhe Migracionit".
Por, ylli e vërtetë i seminarit ishte manuali i sapohartuar i trajnimit. Një dokument i tillë, i përgatitur "në përputhje me standardet ndërkombëtare dhe sipas nevojave të Policisë së Shtetit," është aq cilësor saqë mund të bëjë që librat e Harry Potter të duken si letërsi e dorës së fundit.
Manuali do të shërbejë si një mjet për rritjen profesionale të të gjithë shoqëruesve dhe instruktorëve të qenve të policisë, duke i pajisur ato me aftësitë e nevojshme për të zbuluar armët e zjarrit, municionet dhe lëndët plasëse të jashtëligjshme.
Imagjinoni vetëm për një moment sikur me fondet e BE dhe nën kujdesin e OSBE, qentë e pranishem të trainoheshin edhe për nuhatjen e parave të pista, për drogen dhe pse jo edhe shitblerjen e votës.
Një qen që nuhat paratë e pista jep një kontribut praktik të vlefshem sa të gjithë rekomandimet e Money Val për Shqipërinë. Po kështu duke nuhatur paratë në tuba sobe, kasaforta apo muret e shtëpive të sherbetoreve publike qentë do të ishin heronjtë e luftës së pastrimit të parave.
Sa i përket nuhatjes së drogerave të forta apo kanabisit, qentë e këtushem falë pervojës së fituar ndër mandate mund të trainonin qentë e rajonit dhe më gjerë.
Tjetër kontribut të madh, qentë (nëse trainohen siç duhet) mund të japin për të luftuar fenomenin e shemtuar të shitblerje se votes. Me këtë kontribut plotesohen edhe 90% e rekomandimeve të OSBE-ODHIR për çdo zgjedhje në Shqipëri
Manuali i ri i trajnimit do të përfshinte kapituj të tërë kushtuar teknikave të avancuara të nuhatjes për zbulimin dhe identifikimin e individëve të përfshirë në blerjen dhe shitjen e votave.
"Një Kapitull i Ri në Luftën Kundër Korrupsionit: Qentë e policisë dhe aftësitë e tyre të jashtëzakonshme" do të ishte një broshurë që do të lexohej me endje nga të gjithë, nga zyrtarët e lartë të shtetit, kryetaret e partive, deputetët, e deri tek qytetarët e zakonshëm, të cilët dëshirojnë të shohin ndryshim.
Mendoni për një moment një botë pa droge, pa armë, pa para të pista dhe pa shit-blerje votash”. Shqipëria ka shanse të jetë vendi i parë që bëhet parajsa mbi dhé.
Vendi e ka domosdoshmeri anëtaresimin në BE. Por nisur nga seminari i fundit i OSBE-se ja vlen me shumë të investosh të qentë se te Inteligjenca Artificiale.
Investimi është afat gjatë sepse kur hedh paratë ne këtë sektor ke investuar jo thjesht te qentë e sotëm, por edhe te qentë e bijtë e qenve.
I vetmi rrezik në këtë skenar është se pas trainimit të qenve (edhe për drogen, paratë e pista dhe shit -blerjen e votes) dhe pergatitjes se manualit përkates, OSBE del pa punë.
Tek e fundit, projektet revolucionare gjithmonë kanë krijuar probleme sociale!
Progresi është i pamëshirshëm!
P.S. Kur ta tërmeti me 2019 rezultoi se nuk kishim asnje qen. Qeni mbërriti nga Kosova. Për tërmetin e ardhshem jemi te sigurte që në mos qen, patjetër do të kemi një manual të shkëlqyer!
Komente
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Lutfi Dervishi: Një tragjedi që mund të përsëritet ...
18 Nëntor, 20:15
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
Lutfi Dervishi: Burg, burg, burg....
2 Nëntor, 13:39
-
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Lutfi Dervishi: Meta dhe epilogu i një karriere të mbushur me kontradikta
22 Tetor, 07:55
-
Lutfi Dervishi: Rezistencë civile apo partiake?
7 Tetor, 22:20
-
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Vatikani i Tiranës
21 Shtator, 18:49
Tek ne Qentë vishen me kostum!
Përgjigjuha..ha. ha.. nje pyetje per Lyftiun.. po ti Lyfti trajnimin e ke bere me manual te vjeter dhe ke inat qe te tjeret do te trajnohen me te riun apo nuk e ke problem qe ta besh edhe nje here kete te uruar trajnim qe nuk tu hiqka nga mendja
Përgjigju