Kur kaluar rreth një vit nga aplikimi i shërbimit në distancë përmes sistemit call Center, për pagimin e faturave të energjisë elektrike, OSHEE deklaron se numri i përdoruesëve gati ëhstë dyfishuar.
 
Në shkurt të 2015 OSHEE, për të shmangur rradhët e gjata në sportele vuri në dispozicion , numrin 04 277 4141, tek i cili qytetarët mund të telefonojnë në 24 orë jo vetëm për pagesat e faturave por edhe për shërbime të tjera.
 
Florenc Rama, përgjegjësi i Sektorit për Qëndrat e Kujdesit ndaj Klientit (KNK), shpjegon më me detaj funksionet e kësaj qendre, për çfarë shërben dhe cilat janë avantazhet e përdorimit të call center, rrjet i cili shumë shpejt do të zgjerohet.
 
“Ky numër telefoni shërben jo vetëm për të njoftuar operatorin në lidhje me defektet/mungesën e energjisë elektrike në zonën ku banon, por edhe për të marrë informacione të nevojshme. Me anë të këtij numri mund të udhëzohen për kryer një ankesë në qendrat e KNK-ve, apo të interesohen për të mësuar statusin e ankesës apo kërkesës që kanë paraqitur. Abonentët mund të njihen me statusin e kontratës së tyre, mund të pajisen më një passëord dhe username për të parë faturën online, për ta printuar ose paguar direct, etj, pra ka shumë avantazhe. Call center është menduar të funksionojë edhe për kthimin e përgjigjes po nëpërmjet telefonit për abonentët, duke i konfirmuar zgjidhjen e problemit,” shpejgon ai.
 
Sipas Ramës,trendi  i telefonatave është rritur nga 650 telefonata në muaj, kjo shifër pothuajse është trefishuar në janar 2016. Për këtë arsye OSHEE ka menduar zgjerimin e këtij shërbimi.

Redaksia Online
(u.s/shqiptarja.com)