Presidentja e Kosovës, Vjosa Osmani, tha se vendimi i Këshillit të Bashkimit Evropian për t’ua hequr vizat qytetarëve të Kosovës që posedojnë pasaporta ilegale serbe, “ndikon negativisht në shtrirjen e sundimit të ligjit në të gjithë Kosovën”.
Ky vendim, sipas saj, atakon edhe përpjekjet për integrimin e komunitetit serb në Kosovë.
Osmani tha se i bëri këto komente në një takim të martën me ambasadorin e Shteteve të Bashkuara të Amerikës në Prishtinë, Jeffrey Hovenier.
Sipas njoftimit, në takim u diskutua edhe për tema të tjera, përfshirë: pjesëmarrjen e presidentes në aktivitetet në kuadër të Samitit të NATO-s dhe një sërë nismash ligjore që po trajtohen nga institucionet e Kosovës.
Këshilli i BE-së merr vendim për t’ua hequr vizat serbëve të Kosovës
Më 22 korrik, ministrat e Jashtëm të Bashkimit Evropian morën vendimin për t’ua hequr regjimin e vizave qytetarëve të Kosovës që posedojnë pasaporta serbe, të lëshuara nga Drejtoria Koordinuese e Serbisë.
Vendimi pritet të hyjë në fuqi ditën e 20-të pas botimit në Gazetën Zyrtare të BE-së.
Serbët e Kosovës, që posedojnë pasaporta të lëshuara nga Drejtoria Koordinuese e Serbisë, janë aktualisht të vetmit qytetarë të Ballkanit Perëndimor që u duhen viza për të udhëtuar në zonën e lëvizjes së lirë, Schengen.
Kosova nuk i njeh pasaportat e këtij mekanizmi që funksionon në kuadër të Ministrisë së Brendshme serbe në Beograd, dhe mbajtësit e tyre nuk mund të fluturojnë me to nga Aeroporti i Prishtinës.
Vendimin e BE-së e kritikoi edhe kryeministri i Kosovës, Albin Kurti, duke e cilësuar si “të padrejtë dhe të dëmshëm”.
Autoritetet në Kosovë i inkurajojnë qytetarët serbë që të pajisen me pasaporta të Kosovës.
Qytetarët me pasaporta biometrike të Kosovës gëzojnë liberalizimin e vizave nga 1 janari i këtij viti./REL
Lajme të tjera
-
U ndalua me fletëarrest të Serbisë, ish-ushtari i UÇK-së dërgohet në paraburgim për 30 ditë në Maqedoninë e Veriut
18 Korrik, 22:03 -
Presidentja Osmani: Kosova do vazhdojë të qëndrojë së bashku me SHBA-të
18 Korrik, 15:22 -
Renditja e FIFA-s/ Kombëtarja në vendnumëro pas Euro 2024, Spanja ngjitet e treta në botë! Kosova humbet pikë
18 Korrik, 10:08 -
Për ç'garanci ndërkombëtare flet presidentja e Kosovës?
18 Korrik, 09:47 -
Vuçiç takim me Olaf Scholz, presidenti dhe kancelari gjerman do të bisedojnë për Kosovën
17 Korrik, 22:06 -
Osmani fton mërgimtarët të vijnë në atdheun e tyre: Ju i jepni shpirt Kosovës
15 Korrik, 14:57 -
Forcimi i marrëdhënieve Kosovë-Francë, Osmani takoi Macron
12 Korrik, 16:25 -
Osmani me ftesë të Biden, përfaqësoi Kosovën në aktivitetin përmbyllës të Samitit të NATO-s
12 Korrik, 10:58 -
Osmani nderon ushtarët amerikanë që sakrifikuan jetën në shërbim të lirisë
11 Korrik, 23:07 -
A po kërkon Rusia ta destabilizojë Kosovën përmes Serbisë?
11 Korrik, 19:39 -
Osmani: Kërkojmë garanci ndërkombëtare për Asociacionin
10 Korrik, 22:25 -
Kryeministri serb Vuçeviq: Deklaratat e Kurtit për bazat ushtarake janë 'fantazmagori'
10 Korrik, 15:32
