Osmani në samitin në Spanjë: Nuk takohem me Vuçiçin pa iu vendosur sanksionet

Presidentja e Republikës së Kosovës, Vjosa Osmani, është duke marrë pjesë në Samitin e Liderëve Evropianë që po mbahet në Spanjë.

Me të arritur në Granadë, Presidentja është ndalur për një prononcim të shkurtër përpara mediave.

Ajo ka deklaruar se së pari Serbisë duhet t’i vihen sanksione, e më pas mund të ketë takim për dialog.

“Ajo çfarë ka ndodhur më 24 shtator ka ndodhur me urdhrin e lidershipit të Serbisë. Shpresoj që Spanja do të kuptojë se mbështetja e një agresori, për të cilin ka prova të qarta nga 24 shtatori, nuk do të ndihmojë paqen dhe stabilitetin. Nuk ka arsye për ta takuar para se sanksionet të miratohen kundër Vuçiqit. Së pari sanksionet e më pas mund të flasim për të tjerat” deklaroi Osmani.

Lajmi kryesor:

Samiti i Komunitetit Politik Evropian në Spanjë, Osmani: Nuk takohem me Vuçiçin pa iu vendosur sanksionet! Borrell: Do bisedoj unë me dy liderët e Kosovës dhe Serbisë

SI.E./Shqiptarja.com

TAG:
• vritet polici ne kosove
• tensione ne veri te kosoves
• aleksander vucic
• Vjosa Osmani
• edi rama
• BE