POP 5

Lajmet më të lexuara të 5 minutave të fundit

Arkiva

Përfaqësuesit e KiE-së takohen
me kryetaren e KQZ, Lleshi

Një delegacion i Asamblesë Parlamentare të Këshillit të Europës ka mbërritur në Tiranë me një mision monitorues për procesin parazgjedhor. Tryeza me 4 anëtarët e KQZ-së ka hapur axhendën e takimeve të këtij misioni në Shqipëri.
TIRANË – Një delegacion i Asamblesë Parlamentare të Këshillit të Europës ka mbërritur në Tiranë me një mision monitorues për procesin parazgjedhor. Tryeza me 4 anëtarët e KQZ-së ka hapur axhendën e takimeve të këtij misioni në Shqipëri. Pas takimit me dyer të mbyllura, 5 parlamentarët e Asamblesë së Këshillit të Europës, i janë drejtuar Ministrisë së Brendshme, ku kanë zhvilluar një takim me ministrin Flamur Noka.
 
Delegacioni, i cili do të qëndrojë në vendin tonë dy ditë (10-11 qershor) do ketë si detyrë vlerësimin e legjislacionit elektoral dhe zhvillimin e fushatës zgjedhore.
 
Në krye të këtij delegacioni është ish-parlamentari italian Luca Volonte. Bëhet me dije se delegacioni do të zhvillojë takime me presidentin Bujar Nishani, kryeministrin Sali Berisha.
 
Po ashtu takime pritet të zhvillohen edhe me krerët e partive politike pjesëmarrëse në këto zgjedhje, me përfaqësues të trupit diplomatik dhe shtypin, si edhe me personalitete të shoqërisë civile.
 
Ky mision monitorues parazgjedhor do të pasohet nga një mision tjetër i KiE për zgjedhjet e 23 qershorit, i përbërë nga 27 anëtarë.

Redaksia online
(e.s/ar.sh/shqiptarja.com)
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03