SHKUP- Ministrja e Brendshme e Maqedonisë, Gordana Jankulovska në një nga bisedat e përgjuara, partinë shqiptare që e ka partnere të koalicionit BDI-në e krahason me fis të egër apo indianë dhe po të njëjtin epitet vendos edhe për shqiptarët. 
 
LSDM nga Gostivari sot publikoi materialet e tjera të përgjimeve, ku ministrja e Brendshme siç dëgjohet me zërin e saj fyen sërish shqiptarët si fis i egër dhe indianë.
 
Kryetari i degës së LSDM-së në Gostivar, Blagojçe Trpeski theksoi se Jankullovska këtë e ka theksuar siç dëgjohet në bisedën mes saj me shefin e DSK-së, Sasho Mijallkov.
 
Ajo në këtë bisedë partinë shqiptare që e ka partnere të koalicionit BDI-në e krahason me fis të egër apo indianë. 
 
Mijallkov: Cka janë ato probleme nga mëngjesi ?
 
Jankullovska: A pe, i zgjodhëm më në fund. Indianë, çka janë. çka të them. Indianë.
 
Mijallkov: Indianë, a. Mua më kërkuan që nga mëngjesi në ora 09.00.
 
Jankullovska: Po për këtë të kanë kërkuar, por të dish. Mbrëmë mu lajmërua Musa. Unë i thash. Musa, sipas ligjit, për punë të tillë patjetër duhet të ketë konkluzë ose vendim të Qeverisë. Në këtë rast konkret duhet konkluzion. Dhe për këtë i thash se ja serbët vijnë në Zebërnjak, dhe ka pasur konkluzë nga Qeveria. Bullgarët transit kalojnë për në Tiranë…
 
Mijallkov: Dhe çka të kushton për të pasur kujdes me procedurën ?
 
Jankullovska: Po fis i egër,  Sasho. Dhe pastaj, hajde, u gjet. Unë i them se nuk mund t'i lejojmë…./ INA/
  
 
Redaksia Online
(a.h/shqiptarja.com)