FUSHE-KRUJE  Përplasen dy automjete në aksin rrugor Fushë Krujë – Tiranë, duke shkaktuar vdekjen e një personi dhe plagosjen rëndë të një tjetri. Përplasja ndodhi rreth mesditës mes një furgoni me targa KR 5752 dhe një automjeti tip benz me targa KR 7750. 

Si pasojë e këtij aksidenti ka humbur jetën shtetasi, Arben Plepi 45 vjec, i cili ndodhej në furgon dhe ka mbetur i plagosur rëndë shetasi Enver Cami, 65 vjec, i cili aktualisht ndodhet në spitalin ushtarak. 

Sipas burime të policisë furgoni, ku ndodhej dhe viktima ka goditur automjetin tip benz, në të cilin ndodhej shtetasi Enver Cami, që mbeti i plagosur rëndë.
Autostrada Tiranë- Lezhë, pjesë e të cilës është edhe aksi Tiranë-Fushë Krujë është në listën e zezë përsa i përkët statistikave në lidhje me aksidentet rrugore.
(eb/shqiprtarja.com)