TIRANE - Dy efektivë të repartit special “RESI” janë vënë në dispozicion për garantimin e sigurisë fizike të prokurorit Shkëlqim Hajdari. Ky i fundit duket se pas sherrit që pati me kryeprokurorin Adriatik Llalla, është ndjerë i kërcënuar dhe për pasojë i ka kërkuar ministrisë së Brendshme vënien në dispozicion të efektivave policore për garantimin e sigurisë fizike.

Praninë e dy efektivëve të  policisë e ka konfirmuar dhe vetë prokurori Hajdari, i cili u shpreh për gazetën “Shqiptarja. com” se ai tashmë ruhet nga policia për shkak se jeta e tij nuk është e msigurtë.