Pas dy ditëve në karantinë totale, ku u lejuan vetëm disa orë para ditë të shtunën dhe të dielën që të dalin pensionistët dhe nënat me fëmijët deri në 10-vjeç, prej orëve të para të ditës së sotme në orën 05:00 ka nisur lëvizja. Report Tv sjell një vëzhgim nga situata në tregje, por edhe lëvizjet në rrugë në Fier, Lushnje, Fushë Krujë dhe qytete të tjera. Situata më problematike paraqitet në qytetin e Lushnjes. Në tregjet ambulante të fruta perimeve situata është kaotike ku nuk respektohet as distancimi social, as pajisja me maska dhe doreza por me e keqja është qëndrimi në grup.
Rritja e të infektuarve që sot shkoi në 19 në Kurbin nga vatra e fasonerisë në Fushë Krujë, ka bërë që bashkia të rrisë masat në treg. Nesër tregu i fruta-perimeve do të jetë i hapur nga ora 07:00-14:00 por do të funksionojë sipas rregullave të reja të disiplinimit të lëvizjes. Hyrja në treg nga nesër do të bëhet vetëm nëpërmjet kalimit në tunelin e dezinfektimit dhe dalja në krahun tjetër të tregut. Gjithë procesi do të mbikëqyret nga Policia e Shtetit dhe Policia Bashkiake.
Tregu i fruta perimeve në qytetin e Lezhës dhe bizneset e lejuara që ushtrojnë aktivitetin pranë tij janë mbyllur këtë të hënë. Vendimi është marrë nga Bashkia Lezhë, pas konstatimit të mosbatimit të masave për mbrojtjen nga koronavirusi.
Në zonën pranë tregut është vendosur Policia Bashkiake, ndërsa bëhet e ditur se nuk do lejohet asnjë subjekt apo tregtar që të vijojë të ushtrojë aktivitetin pa zbatuar kushtet e përcaktuara për mbrojtjen nga COVID-19.
"Në bashkëpunim me policinë e shtetit dhe të kryetarit të bashkisë u vendos për ti mbyllur këto biznese, për arsye të mos zbatimit të rregullave për mbrojtjen nga koronavirusi. Këto biznese nuk do të lejohen të hapen pa plotësuar të gjitha kushtet e vendosura në urdhrin e kryetarit të bashkisë të vendosura sot, sepse është një vatër e përhapjes së koronavirusit, sidomos në zonën ku ndodhemi,"- Leonard Pali, shef i policisë në bashkinë Lezhë.
Sipas Bashkisë Lezhë tregtaret dhe bizneseve pranë tregut ju është kërkuar disa herë që të zbatojnë rregullat por nuk kanë reflektuar, ndaj dhe është marrë ky vendim ekstrem, pasi duke qenë se ka grumbullime të shumta të njerëzve kjo zonë konsiderohet një rrezik potencial për përhapjen e koronavirusit.
Në Fushë Krujë situata paraqitet si në ditë normale, ku vijon që të ketë të pabindur. Pavarësisht se pensionistëve u është ndaluar dalja shumë prej tyre nuk e kanë zbatuar vendimin duke dalë nga banesa. Nga vëzhgimi që sjell Report Tv në qytet vërehen nga të gjitha moshat që lëvizin lirisht. Ndërkohë që prej dy ditësh tregu është mbyllur nga bashkia për shkak të mungesës së kushteve dhe higjienës.
Fieri sot është zgjuar shumë i zhurmshëm. Arsyet mund të jenë të shumta, duke filluar nga izolimi total i fundjavës e deri te hapja e një sërë biznesesh ditën e sotme, por sërish lëvizjet janë mbi normën e pritshme të periudhës së pandemisë.
Jo vetëm qytetarët, por edhe automjetet kanë mbushur rrugën, duke e bërë të hënën të ngjajë si një ditë e zakonshme. Me sa duket njerëzit mund të jenë keqkuptuar lidhur me tolerimin që qeveria bëri për disa biznese, pasi sërish për të dalë nga shtëpia duhet leje.
Qarkullimi më i dendur i qytetarëve dhe mjeteve duket pranë tregjeve të fruta perimeve.
Në Lushnje pavarësisht paralajmërimeve për respektimin e masave duke filluar nga distancimi social, por edhe vendosja e maskave dhe dorezave situata paraditen e sotme është paraqitur kaotike. Sot në qytet janë hapur edhe njësitë e reja që parashikohen në vendimin e bërë të ditur nga kryeministri Rama, por problem kryesor vijon që të mbetet tregu. Në tregjet ambulante te fruta perimeve situata është kaotike ku nuk respektohet as distancimi social as maskat dhe dorezat por me e keqja është qëndrimi në grup. Nga vëzhgimi që sjell Report Tv vetëm një pjesë e qytetarëve kanë vendosur maska. Ndërkohë që situata paraqitet ndryshe në farmaci dhe banka, ku respektohen distancat dhe mjetet mbrojtëse në sportele. Lajm i mirë vijon të mos ketë asnjë të infektuar apo vatra të reja infektimi në Lushnje.
Komente
Lajme të tjera
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51 -
Nëna denoncon në media: Kanë tentuar të më rrëmbejnë fëmijën 11-vjeç! Policia sqaron situatën për Report tv: Është trembur!
19 Nëntor, 15:30
-
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
‘Ngordhën bretkosat jo më peshqit’, ndotet nga fabrikat Emisari i Tërbufit në Divjakë! Banorët: Me këtë ujë vadisim tokat
15 Nëntor, 14:53
-
Lushnjë/ Aksident në fshatin Zhelizhan, përplasen dy mjete! Drejtuesi i motoçikletës dërgohet me urgjencë në spital, shoferi i makinës shoqërohet, ishte i dehur
14 Nëntor, 13:52
-
SPAK mbyll hetimet për grupin e Laert Haxhiut, dërgohen për gjykim 9 të akuzuarit! Nga vrasje, vënie eksplozivi te vjedhje, zbulohen akuzat! Ngjarjet u zbardhën nga rrëfimi i Tafanit
11 Nëntor, 15:03 -
Lushnje, 33 vjeçari shkon në spital, dyshohet se konsumoi lëndë helmuese në dhomën e një hoteli
11 Nëntor, 12:24 -
Lushnjë/ Bashkëshortja e denoncon për dhunë ndaj saj dhe ngacmim seksual të së bijës 11 vjeçe, arrestohet 39-vjeçari (EMRI)
7 Nëntor, 13:58 -
Begaj në Lushnjë: Promovim markave vendase të produkteve bujqësore
5 Nëntor, 10:05 -
Aksident në aksin Berat-Lushnjë, një person në gjendje të rëndë! Zbriti nga motoçikleta për të kaluar rrugën por 25 vjeçari e përplasi me makinë! Dërgohet tek Trauma
2 Nëntor, 17:24
-
"Wine & Stories", verë e mirë, raki dhe muzikë në Berat! Festivalit i bashkohen artistët e njohur
2 Nëntor, 14:59
Kurbinin e keni gjet kujt me ja dorzu majlit lidhjes tur bardhit. Ni dor sjellet
PërgjigjuLushnjaret nje jetë fshatarë mbetene
PërgjigjuQytetrim i madh shume ne Vl.