Pas raportimit të Report Tv, ndryshim rrënjësor te tregu i Kamzës! Qytetarët të detyruar nga sinjalistika respektojnë rregullat

KAMËZ- E hëna ka sjellë një panoramë krejtësisht ndryshe në tregun e Kamzës.

Pas raportimit të Report Tv, Bashkia ka vendosur rrathët e verdhë që detyrojnë qytetarët të mbajnë distancën nga njëri-tjetri, por fillimisht përpara se të hyjnë në treg ato do të duhet të dezinfektohet në tuneli e vendosur vetëm ditën e djeshme. Nuk mungojnë as gardhet metalike në hyrje të tregut.

Të pranishëm janë edhe uniformat blu dhe ushtria që monitorojnë zbatimin e rregullave. Dy ditë më parë, Tregu i Kamzës u kthye në një problem i madh dhe rrezik infektimi për shkak të grumbullime masive të qytetarëve , të cilët nuk respektonin distancën dhe as zotëronin maskat mbrojtëse gjatë kohës që bëni pazar. Sot, situata ka ndryshuar.

Rendit zhvillimet sipas orarit:
Ora 11:27
Kryeinspektori i Policisë Bashkiake: Masat në tregun e Kamzës nuk janë të vonuara, ishin planifikuara (VIDEO)

Faik Basha, kryeinspektori i Policisë Bashkiake të Kamzës në një prononcim për Report Tv ka deklaruar se masat e marra në treg nuk janë të vonuara, por nuk ishin marrë më herët për faktin se ai ka qenë gjysmë i mbyllur. Ndryshe nga dy ditë më parë, sot nuk janë lejuar të tregtojnë, ka bërë me dije Basha.

"Kanë qenë të planifikuara për të marrë. Me zbutjen e virusit, pritet që tregu të hapet, Me kaq sa funksiononte ky treg nuk ka qenë shumë problematike. E gjithë kjo është funksionale, kemi pasur bashkëpunimin e qytetarëve të cilët i falenderoj. Kjo është planifikuar pikërisht për këtë punë, kjo do të zgjasë deri sa të zgjasë virusi. Tregtarët e moshuar nuk janë lejuar që të shesin. ju bëj thirrje të gjithë qytetarëve, zbatoni rregullat! Janë për të mirën e të gjithëve", tha Basha për Report tv.

Ora 11:26
I kërkoi që të mbante distancë, klientja largohet pa bërë blerje/ Tregtarja: Nuk pati durim (VIDEO)

Ka edhe nga ata qytetar të cilët nuk janë ndërgjegjësuar mjaftueshëm. ot në tregun e Kamzës kamera e Report Tv ka filmuar një moment ku një qytetare, së cilës i është kërkuar që të mbajë distancën nga tregtarja, ajo ka zgjedhur të largohet.

"Nuk pati durim, kush ka ardhur kanë zbatuar përpikmëri. U kam shërbyer vetë! Sot ndihemi më të sigurt dhe më me rregull dhe më të qetë. Sot ka rregull", tha tregtarja.

Ora 11:20
Tregu i Kamzës me rregulla të reja, tregtari: Sot jam më i sigurt...nuk përballohen njerëzit, sot zbatojnë sinjalistikën (VIDEO)

Për gazetarin e Report Tv, Arsen Rusta, tregtarët shprehen se janë më të sigurt, si pasojë e masave të marra.

"Është shumë më mirë, jam tregtar. Jam më i sigurt sot, pak po. Edhe njerëzit nuk mbahen nuk përballohen, 90% e rasteve i respektojnë sinjalistikën. Çmimet janë njësoj, lëvizin me ditë", tha një tregtar. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Brenda vitit paga mesatare bruto për mësuesit arrin në 104 mijë lekë! Për mjekët e përgjithshëm 131 mijë lekë dhe infermierët në 87 mijë lekë

Brenda vitit paga mesatare bruto për mësuesit arrin në 104 mijë lekë! Për mjekët e përgjithshëm 131 mijë lekë dhe infermierët në 87 mijë lekë