27-vjeçarja u largua nga banesa në fshatin Thanë, pasi përcolli për në shkollë djalin dhe vajzën më të rritur. Danjela Toska u pa nga fqinjët teksa largohej me dy valixhe në duar dhe hipi në një taksi bashkë vajzën 2-vjeçare. Pasditen e kësaj të mërkure ’Pa Gjurmë’ u lidh live me 27-vjeçaren e gjetur, ndërsa të ftuara në studio vjehrra e Danjelës, Bajame Toska dhe tezja Zarife Çili mësuan dhe arsyen e vërtetë të largimit të saj. Në hollin e Report Tv me padurim për t’i dëgjuar zërin nënës prisnin djali 6 vjeç dhe vajza 8-vjeçare që ajo la, për të cilët kërkoi të kujdeset vjehrra.
E mbytur në lot e bija përmallohet teksa dëgjon zërin e nënës dhe të motrës më të vogël, ndërsa struket e emocionuar në krahët e moderatores Odeta Dume.
Vajza: Më ka marrë malli mami (qan)
Nëna: Dhe mua më ka marrë malli, do të flasësh me motrën?
Vajza: Po
Nëna: Po Lali ( djali i vogël) ku është, se motra e kërkon?
Danjela Toska nuk tregoi me saktësi vendndodhjen e saj, por se ndodhej shëndosh e mirë bashkë me vajzën në një fshat të Lushnjes. Ajo hodhi poshtë akuzat nga vjehrra se është larguar me një person tjetër, duke thënë se kishte marr një shtëpi me qera dhe se nuk donte të kthehej më në banesë. Madje ajo deklaroi se ishte e disata herë që largohej, kjo për shkak të kërcënimeve të vazhdueshme me jetë nga bashkëshorti i saj.
Odeta Dume: Alo përshëndetje!
Danjela Toska: Përshëndetje Odeta!
Odeta Dume: Danjela është e vërtetë që të kemi nxjerr në kërkim, sepse ti je larguar me vajzën e vogël. Je mirë me shëndet? Ku ndodhesh ?
Danjela Toska: Në Shqipëri jam
Odeta Dume: Ti u largove, por ku je konkretisht, në çfarë qyteti?
Danjela Toska: Në një fshat të Lushnjes jam
Odeta Dume: Po kush të ka strehuar, me kë jeton?
Danjela Toska: Me një shoqe jam. Ajo shoqja është në punë tani. Unë jam vetëm me gocën në shtëpi dhe kemi marr një shtëpi me qira. Nuk e tregoj saktësisht se ku jetoj, pasi nuk dua të më vij askush nga familjarët këtu.
Odeta Dume: Po për dy fëmijët e tjerë s'të ka marrë malli që i ke lënë?
Danjela Toska: Më ka marrë malli, por kam ikur për një arsye
Odeta Dume: Për çfarë u largove?
Danjela Toska: Atë ditë në mëngjes, unë përcjella fëmijët për shkollë dhe jam kthyer në shtëpi. Më ka marrë burri më ka lidhur me litar dhe më ka rrahur. E kam trupin akoma të nxirë. Nuk është një herë por disa ditë, ai zihej me mua duke me ofenduar dhe kërcënuar, thikën në fyt ma ka vënë. Mora vajzën e vogël dhe u largova. Më thotë vjehrra për dy fëmijët, nuk i ke me çunin tim.
Odeta Dume: Të kanë akuzuar për tradhëti?
Danjela Toska: Po
Odeta Dume: Ti nuk do të kthehesh më në atë familje, po për fëmijët?
Danjela Toska: Jo nuk kthehem. As në atë familje, as tek babai im. Do shikoj jetën time. Për dy fëmijët e tjerë le t’i mbajnë ata. Për momentin nuk jam as e lidhur me asnjë djalë, si më kanë nxjerrë ata, që e kanë thënë në televizor.
Ndërsa ’Pa Gjurmë’ realizoi këtë komunikim live me familjarët në studio agravoi deri në ofendime personale debati mes nuses dhe vjehrrës. Kjo e fundit i kërkoi t’i jepte prokurën për t’u kujdesur vetë për dy fëmijët e tjerë që Danjela i ka braktisur.
Vjerra: Ke lënë dy fëmijë rrugëve. Të keshë turp, se nuk ke lënë burrë pa folur. Gënjeve djalin tim dhe i more prokurën për të ikur rrugëve
Tezja: Kthehu, dil hapur
Vjehrra: Kam ardhur për dy fëmijë të më japi prokurën
Tezja: Dua të heq përgjegjësinë nga vetja, të kthej kokën për dy fëmijët që ka lënë
Mesa duket e kishte planifikuar më parë largimin e saj. Pas prokurës që siguroi nga bashkëshorti, të bijës që mori me vete i kishte nxjerrë edhe pasaportën. Me këtë vendim Danjela duket se i ka i dhënë fund martesës 9-vjeçare me Ledion Toskën.
Video e misionit të plotë
Lajme të tjera
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Ekskluzive/ I vranë të birin, babai i Martin Canit flet për Report Tv pas protestës: E pabesueshme, falënderoj shqiptarët që ma lehtësojnë këtë dhimbje (VIDEO)
21 Nëntor, 16:16 -
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51 -
Nëna denoncon në media: Kanë tentuar të më rrëmbejnë fëmijën 11-vjeç! Policia sqaron situatën për Report tv: Është trembur!
19 Nëntor, 15:30
-
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
‘Ngordhën bretkosat jo më peshqit’, ndotet nga fabrikat Emisari i Tërbufit në Divjakë! Banorët: Me këtë ujë vadisim tokat
15 Nëntor, 14:53
-
Lushnjë/ Aksident në fshatin Zhelizhan, përplasen dy mjete! Drejtuesi i motoçikletës dërgohet me urgjencë në spital, shoferi i makinës shoqërohet, ishte i dehur
14 Nëntor, 13:52
-
SPAK mbyll hetimet për grupin e Laert Haxhiut, dërgohen për gjykim 9 të akuzuarit! Nga vrasje, vënie eksplozivi te vjedhje, zbulohen akuzat! Ngjarjet u zbardhën nga rrëfimi i Tafanit
11 Nëntor, 15:03 -
Lushnje, 33 vjeçari shkon në spital, dyshohet se konsumoi lëndë helmuese në dhomën e një hoteli
11 Nëntor, 12:24 -
Lushnjë/ Bashkëshortja e denoncon për dhunë ndaj saj dhe ngacmim seksual të së bijës 11 vjeçe, arrestohet 39-vjeçari (EMRI)
7 Nëntor, 13:58 -
Begaj në Lushnjë: Promovim markave vendase të produkteve bujqësore
5 Nëntor, 10:05 -
Aksident në aksin Berat-Lushnjë, një person në gjendje të rëndë! Zbriti nga motoçikleta për të kaluar rrugën por 25 vjeçari e përplasi me makinë! Dërgohet tek Trauma
2 Nëntor, 17:24
