Këtë të premte, ‘Pa Gjurmë’ kthen në shtëpi edhe dy të humbur të tjerë. Gëzim Shaholli humbi gjurmët këtë të enjte, ndërsa u gjet ditën e sotme falë shumë telefonatave që mbërritën në redaksinë e emisionit duke lokalizuar vendndodhjen e tij në Tiranë.
Ndërsa një tjetër i humbur, i cili u denoncua live këtë të premte, pasi kishte humbur pasditen e datës 17 qershor u gjet 30 minuta pas apelit të bashkëshortes. Policia e qytetit të Korçës njoftoi familjen se 74-vjeçari ndodhej në spital.
Falë bashkëpunimit të qytetarëve, të cilët sjellin në kohë rekord informacione, gjatë transmetimit sa herë një i humbur denoncohet live, u bë e mundur, së pari gjetja e 33-vjeçarit nga Sukthi, e më pas ajo e të moshuarit nga Korça.
Për Gëzimi Shahollin pak para transmetimit mbërriti një video e një të riu, në kushte të rënduara të shëndetit mendor, i cili pasi u largua nga shtëpia në Sukth, mëngjesin e të martës kishte përfunduar në zonën e 21 Dhjetorit në kryeqytet. Pas shfaqjes së kësaj video, babai i 33-vjecarit konfirmoi se ishte ai djali i tij. Stafi mbërriti menjëherë në vendngjarje ku komunikoi shumë pak me Gëzimin, i cili ka probleme të shëndetit mendor. Ai e dinte se kërkohej nga familja.
’Gëzim Shaholli jam. Kam një ditë këtu në Tiranë. Do ta njoftoj familjen. Do vija në shtëpi por makina nuk vjen. E mora vesh që më kërkon familja’, u shpreh Gëzimi
Gazetari Ermal Qori njoftoi policinë, ndërsa një patrullë e Komisariatit nr 2 mbërriti live, për ta shoqëruar të riun drejt ambienteve, të këtij komisariatit. Më pas u njoftua edhe salla operative e policisë së Durrësit, për të marrë qytetarin nga Sukthi në kthimin e tij drejt banesës.
Ndërsa po këtë të premte u denoncua edhe zhdukja e 74-vjecarit Astrit Viso nga Korça, i cili edhe ai kishte humbur ditën e mërkurë. Për 24 orë me radhë familja kishte arritur të fliste me të moshuarit, por ai nuk ishte në gjendje të tregonte vendndodhjen e tij, pasi vuante nga skleroza. Familjarët humbën komunikimin një ditë pasi ai u zhduk, kur telefoni i tij rezultoi i fikur. Ata ju drejtuan emisionit ’Pa Gjurmë’, kur falë publikimit të rastit u arrit të identifikohej 74-vjecari, personi i cili kishte përfunduar në spitalin rajonal. Lajmin e gjetjes së të atit, pak minuta pas denoncimit e dha djali i tij.
’Babin e gjetëm. Na njoftoi policia se Babi ndodhej në spital. Nuk e dimë se si kishte përfunduar aty. Por ne nuk lamë vend pa e kërkuar. Jam në spital, por ende nuk kam informacion, pasi na njoftuan sapo e panë rastin tek emisioni’, tha djali.
VIDEO/ Emisioni i plotë
Lajme të tjera
-
Pogradec/ Kapet duke transportuar lëndë drusore kontrabandë, në hetim një shtetas
1 Nëntor, 15:28
-
Serbët e Superligës dhe Serbia si 'mollë e ndaluar' për shqiptarët e sportit
30 Tetor, 12:52
-
'I thashë ik në shkollë, rrinte në telefon', plagosi me thikë të birin 15-vjeçar në Korçë, zbardhet dëshmia e babait: Po grindeshim
30 Tetor, 11:51 -
Korçë/ Ishte duke kaluar rrugën me nënën, makina përplas 4 -vjeçarin
29 Tetor, 21:23 -
Korçë/ U plagos pasi ndezi zjarr në stallë për t'u ngrohur, vdes pas disa orësh në spital
29 Tetor, 20:45 -
Korçë/ Shkatërrohet grupi që shiste drogë në shkolla e lokalet e natës, 7 në pranga! Zbulohet organizatori (EMRAT)
29 Tetor, 14:47 -
Gvozdenovic me mungesa 'kërcënon' Partizanin: Respekt, por jemi Skënderbeu
29 Tetor, 14:30 -
Korçë/ Çifti i bashkëshortëve punësohet në një stallë, gruaja nis lidhje jashtëmartesore me pronarin! 37-vjeçari synonte ta prostituonte
29 Tetor, 11:15 -
Korçë/ Operacion anti-drogë, arrestohen 6 persona! Kontrolle në banesa dhe lokale
29 Tetor, 11:07 -
Korçë/ Kishte kontrabanduar nga Greqia 1637 kuti me ilaçe, arrestohet 39-vjeçari! Nën hetim bashkëshortja farmaciste dhe vjehrri i tij
29 Tetor, 10:44 -
SPAK merr të pandehur kryebashkiakun e Devollit, akuzohet se licencoi karburantin që ishte ndërtim pa leje, Eduard Duro: Zbatova ligjin
29 Tetor, 10:38 -
Pogradec/ Përfshihet nga flakët një bar kafe, shkak një shkëndijë tek aspiratori! Panik te klientët
28 Tetor, 07:05
