Presidenti brazilian Jair Bolsonaro ka lëshuar akuza të rënda kundër Michelle Bachelet, Komisionere e Lartë e Kombeve të Bashkuara për të Drejtat e Njeriut.
"Sikur të mos ishte Augusto Pinoçet, i cili mposhti të majtën në vitin1973, përfshirë babanë e saj, sot Kili do të ishte si Kuba".
Këto janë fjalët e kreut të shtetit Brazilian në përgjigje të kritikave nga e bija e Alberto Bachelet, e cila para se të mbërrinte në OKB ishte presidente e Kilit për dy mandate jo të njëpasnjëshme dhe e vetmja grua që ka mbajtur këtë pozicion.
Deklarata e Bolsonaro bëhet edhe më e rëndë po të merret në konsideratë biografia e Bachelet: babai Alberto ishte gjeneral i aviacionit kilian dhe përgjegjës i zyrës për shpërndarjen e produkteve ushqimore nën presidencën e Salvador Allende. Ai ai nuk pranoi - pas grushtit të shtetit të Pinoçet - të rebelohet kundër presidentit dhe, për këtë arsye, u arrestua për tradhti, u burgos, u torturua dhe vdiq në vitin 1974 nga një atak në zemër, si pasojë e dhunës që pësoi. Dhe vetë Michelle Bachelet, së bashku me nënën e saj Angela Jeria, u arrestuan dhe u torturuan një vit më vonë, para mërgimit në Australi.
Komisionerja e Lartë u deklarua eshqetësuar për situatën në Brazil, duke theksuar dhunën e policisë dhe situatën e rëndë të të drejtave të njeriut në vendin e ‘sunduar’ nga Bolsonaro.
"Ai na akuzon se po ndëshkojmë policinë që vret njerëz në Brazil por ai nuk mbron të drejtat e njerëzve të pastrehëve".
Ish presidentja kiliane denoncoi në një konferencë për shtyp se "në gjysmën e parë të këtij viti, vetëm në Rio de Janeiro dhe São Paulo, 1291 njerëz u vranë nga policia".
Bolsonaro ka ‘luajtur’ gjithashtu me emrin e agjencisë së Kombeve të Bashkuara që merret me promovimin dhe mbrojtjen e të drejtave të njeriut të garantuara me ligj ndërkombëtar dhe të përfshira në Deklaratën Universale të të Drejtave të Njeriut të vitit 1948, duke e quajtur atë ‘Agjenda e të drejtave të njeriut (i banditëve)’.
Presidenti brazilian në fakt, duke shtyrë diskutimin në Twitter, ka shkruar: ‘Bachelet ka vendosur të ndjekë linjën Macron dhe të ndërhyjë në punët tona të brendshme dhe sovranitetin Brazilian. Ajo sulmon Brazilin me axhendën e të drejtave të njeriut (të banditëve), duke sulmuar policët tanë të guximshëm, civil dhe ushtarak’.
I pyetur nga reporterët në lidhje me këto deklarata, në dalje të rezidencës presidenciale në Brasilia, Bolsonaro tha se ai nuk kishte asgjë tjetër për t'i thënë Bachelet, duke komentuar se "kur ka njerëz që nuk kanë asgjë për të bërë, ata i dërgojnë ata të ulen në kolltuqet e OKB”.
Komente
Lajme të tjera
-
Autoritetet e reja të Sirisë të hapura për hetimin e krimeve të Assadit
24 Dhjetor, 08:26 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50 -
Lindja e Mesme/ Al Jolani: Nuk duam konflikte, edhe gra në qeverisje! OKB: Procesi politik në Siri të jetë gjithëpërfshirës! Hapet aeroporti i Damaskut
18 Dhjetor, 09:34 -
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33 -
I dërguari i OKB-së në Siri thirrje për heqjen e sanksioneve nga BE dhe SHBA
15 Dhjetor, 16:22 -
OKB e shqetësuar për përshkallëzimin e dhunës në Mianmar
13 Dhjetor, 07:29 -
OKB miraton rezolutë për armëpushim të menjëhershëm në Gaza, pranohet nga shumica! Izraeli dhe SHBA kundër
12 Dhjetor, 13:54
-
Moska: Bashar al-Assad strehohet në Rusi! Irani: Terroristët do të sulmojnë Irakun
11 Dhjetor, 07:40 -
Letra e Thaçit për FSK-në në veri, "ende e vlefshme"
3 Dhjetor, 11:31
-
Lufta në Rripin e Gazës/ Trump: Pengjet në Gaza të lirohen deri më 20 janar, përndryshe përgjegjësit do ta paguajnë shtrenjtë
2 Dhjetor, 15:01 -
'Bota është në heshtje'/ Dëshmia prekëse në OKB e Tanya Haj-Hassan, mjekes vullnetare në Gaza (VIDEO)
30 Nëntor, 22:32 -
Enver Robelli: Një kriminel lufte pranon gjenocidin pas 26 vitesh burg
26 Nëntor, 15:15
E majta social demokrate i dha zhvillmin me te madh europes per dusa dekada . Pabarazine e bjen kapitalizmi i eger qe nuk bazohet tek rregullat e tregut te lire por monopoleve qe mbysin ekonomite dhe rrisin urrejtjen. Shtresave siciale.Sit 99% e popullsise punojne per 1% . Ik laj b*then ka*id se dmbelizmin e sjell korrupsioni dhe klanet politike te korruptuara .
Përgjigjue majta eshte helm global. nje politike e ngritur mbi sistemin e antivlerave. sulme ndaj te gjithe atyre qe dine te punojne dhe te pasurohen. nje politike qe fsheh koken mbas barazise, dhe i rremben voten dembeleve, promovon dhe pasuron vetem ata qe e promovojne. politikanet e majte globalisht jane oligarket dhe sundimtaret me te medhenj te rruzullit. industria e vetme e tyre eshte genjeshtra dhe propaganda. u shofte pergjithmone
PërgjigjuAkoma ka njerëz që mendojnë se ka ende të majtë dhe të djathte?