U 'shkarkua' nga Rama si numri 2 i PS, Balla: Kam dëgjuar shumë fjalë e interpretime, sa të kem forcë për t'u marrë me politikë do jem socialist

Pas largimit nga posti i sekretarit të përgjithshëm, dhe mënjanimi nga ministritë në qeverinë "Rama 3", ka reaguar kryetari i Grupit Parlamentar të Partisë Socialiste Taulant Balla i është prgjigjur të gjitha interpretimeve të bëra në adresë të tij ditët. Përmes një postimi në rrjetin social facebook Balla deklaron se sa të ketë forcë për tu marrë me politikë do të jetë një socialist, i cili e ka të shenjtë frymën e ekipit, të respektit dhe të disiplinës në familjen e tij politike.

“E kam nisur karrierën në PS si një anëtar i thjeshtë 27 vite më parë dhe hap pas hapi kam marrë nga kjo parti dhe votuesit e saj aq shumë mbështetje, duke kulmuar më 25 Prill në qarkun e Elbasanit , nder që dua vetem tia kthej çdo ditë me gjithë forcat e mia”, shkruan Balla. 

Gjithashtu Balla në shënimin e tij në rrjetin social facebook deklaron se nuk i ka dashur dhe nuk i do kurrë ata që e harrojnë nga janë nisur dhe nuk shikojnë sa vite e sa punë ka akoma përpara.

“Prej sot në krye të Grupit Socialist në Kuvend, ku jam më i motivuar se kurrë dhe do të jem i pari që do bëj më shumë në këtë mandat të tretë me PS   si shumicë parlamentare, prandaj mos habitet asnjë nga kolegët e mij të grupit që do të kërkoj më shumë nga të gjithë në përmbushje të besimit që shqiptarët na kanë dhënë”, thekson Balla.

Postimi i plotë i Taulant Ballës:

Kam dëgjuar e lexuar shumë fjalë dhe interpretime për mua këto ditë dhe sonte vendosa të them disa fjalë, të cilat i thashë paradite edhe në mbledhjen e sotme të Grupit Socialist në Kuvend. Sa të kem forcën për tu marrë me politikë une jam një socialist , i cili e ka të shenjtë frymën e ekipit, të respektit dhe të disiplinës në familjen më të madhe politike të shqiptarëve. E kam nisur karrierën në PS si një anëtar i thjeshtë 27 vite më parë dhe hap pas hapi kam marrë nga kjo parti dhe votuesit e saj aq shumë mbështetje, duke kulmuar më 25 Prill në qarkun e Elbasanit , nder që dua vetem tia kthej ccdo ditë me gjithë forcat e mia. 

Nuk i kam dashur dhe nuk i dua kurrë ata që e harrojnë nga janë nisur dhe nuk shikojnë sa vite e sa punë ka akoma përpara. Përsëri prej sot në krye të Grupit Socialist në Kuvend, ku jam më i motivuar se kurrë dhe do të jem i pari që do bëj më shumë në këtë mandat të tretë me PS   si shumicë parlamentare, prandaj mos habitet asnjë nga kolegët e mij të grupit që do të kërkoj më shumë nga të gjithë në përmbushje të besimit që shqiptarët na kanë dhënë.

TAG:
• edi rama
• taulant balla
• mandati i 3 i ps emrat