POP 5

Lajmet më të lexuara të 5 minutave të fundit

Kronikë

Pa rrugë dhe ujë, fshati Janjar në Konispol, vite pa investime! Banorët: Nuk po jetojmë dot, jemi lodhur nga premtimet

Banorët në Janjar të Konispolit në kufi me Greqinë, jetojnë në një fshat me natyrë të bukur, dhe sikur aty të kishte ujë e rrugë, vendi do të popullohej nga turistët. E vërteta është se ata kalojnë ditët si në mesjetë dhe askush nuk kujdeset që situata të ndryshojë.

Në këtë rrugë lëvizin vetëm zetorët. Nga shkëmbinjtë kanë rënë gurë dhe e gjithë gjatësia mbushet me pluhur.

Në Janjar të Bashkisë së Konispolit qarkullimi me mjete të vogla është i pamundur. Fuoristradat e rralla mund t’u vijnë në ndihmë banorëve.

Banorët tregojnë se jo vetëm rruga ua ka nxirë jetën. Këtu nuk ka as ujë të pijshëm. Sidomos në verë.

“Në radhë të parë ne nuk kemi ujë, u thamë. Këtu mashtrim është çdo ditë mo aman, ne nuk dimë se ç’të bëjmë e nga t’ia mbajmë doktor jo, ujë jo, rrugë jo. Para 2 vjetëve u ka matur 10 herë ajo rrugë u hodh zhavorr e mori përroi, nuk u bë asnjë lloj ndërtimi”, shprehet Bejaz Brahimi, banor.

Kryetar i fshatit Neshat Mehmeti  tregon se edhe pse është shpallur një tender për ndërtimin e ujësjellësit asnjë punim nuk ka nisur deri më sot në këtë fshat.

 “Kryesore që janë është ujësjellësi dhe xhadeja kryesore. Këto janë probleme madhore për fshatin. Për ujin e kanë fituar tenderin dhe na thonë që së shpejti do fillojë po se kur do filloj nuk e di”, tha Mehmeti .

Vetëm pak metra larg kufirit me Greqinë, fshati Janjar ndodhet në jug të vendit në një nga zonat me bukuri të rrallë natyrës dhe pasuri të trashëgimisë kulturorë por infrastruktura e dobët e bën të paarritshme për vizitorët.

 

 

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55