POP 5

Lajmet më të lexuara të 5 minutave të fundit

Sociale

Pa shtëpi e punë, jeta në zgrip e familjes Ziai në Gjirokastër! Feride Ziai: Djali më vdiq, kam tentuar të vras edhe veten! Bashkëshorti: Kërkojmë strehim

Në qytetin e Gjirokastrës jeton në kushte të mjerueshme familja Ziai. Çifti ka humbur një djalë si pasojë e sëmundjes së rëndë, ndërsa tashmë gjenden në vështirësi ekonomike për të rritur vajzën 3-vjeçe. Përmes Report Tv ata kërkojnë strehim nga bashkia por dhe nga donatoret private

Buzë lumit Drino në Gjirokastër jeton në kushte të mjerueshme familja Ziai. Ermali dhe Ferideja janë të papunë ndaj mbledhin kanaçe nëpër mbeturina, të cilat i shesin për të siguruar ngë kafshatë bukë. Ata janë prindër të një vajze 3-vjeçe, ndërsa para një viti e gjysmë u ka vdekur djali si pasojë e një sëmundje të rëndë.

“Kam operuar djalin kur ishte 3 vjec, ka një vit e gjysmë që ka vdekur. Kam dy fëmijë të tjere në jetimore. Djali që më ka ikur nuk e prisja se bëra gjithcka ta shëroja”, tha Feride Ziai.

Në frigorifer nuk kanë asnjë ushqim, veç një shurupi për të voglën që sapo ka kaluar virozën. Çifti Ziai ushqehet 1 herë në 4 ditë, ndërsa për vajzën ushqimet dhe veshjet ua falin fqinjët. Jetojnë me qira, por për shkak të pamundësisë për ta paguar, pronari u ka kërkuar të lirojnë apartamentin.

“Jetojmë duke mbledh kanace. Bashkia nuk na jep ndihmë, më jepnin kur kisha djalin sëmurë por ma hoqën. Kemi 3-4 ditë pa ngrënë. Për vajzën kam një komshi që më ndihmon, ndërsa ne shesim kanace”, tha Feride Ziai.

“Jetojme me kanaçe. Një here në 4 ditë hamë bukë, për fëmijët na japim ushqim komshinjtë. Qiranë e kam për të paguar më ka thënë pronari të dal jashtë se nuk mundem ta paguaj”, tha Ermal Ziai.

Dhimbja që shkaktoi ndarja nga jeta e Fabios së vogël, ka tronditur prindërit Ermal dhe Feride Ziai. Sakaq ajo tregon se ka dhe dy fëmijë nga martesa e parë të cilët ndodhen në shtëpinë e fëmijës Zyber Hallulli në Tiranë. Rrallë i shikon pasi nuk ka mundësi të udhëtojë drejt kryeqytetit.

“Dy fëmijë nuk i kam krah dhe një më iku, kam tentuar të vras veten. Kam tentuar ta bëj sepse jam mbytur në borxhe dhe me pjesen e qirasë. Nuk jam më ajo që kam pas. Pas vdekjes së atij kam tentuar të bëj shumë gjëra”, shprehet me tej ajo.

Bashkia e Gjirokastrës e trajton familjen Ziai me ndihme ekonomike prej 3 mijë lekësh në muaj, ç’ka është e pamjaftueshme për të paguar qiranë. Përmes Report TV, ata kërkojnë strehim nga autoritetet shteterore por një lutje për ndihmë e kanë dhe për shoqatat e bamirësise dhe bizneset.

“Kërkojmë ndihmë për vajzën...”

M.Q./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • raku: 26/03/2024 21:08

    pse nuk iken ne europe si te gjithe te tjeret qe te shpetosh.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34