POP 5

Lajmet më të lexuara të 5 minutave të fundit

Politikë

'Paaftësia e qeverisë Rama është vrastare', Basha për biznesin e vogël: Punësojnë 70% të shqiptarëve, por po falimentojnë

Ndër të tjera Basha deklaron se kur të vijë ai në pushtet do të ketë vetëm një taksë për biznesin e vogël.

'Paaftësia e qeverisë Rama është vrastare', Basha për biznesin e vogël: Punësojnë 70% të shqiptarëve, por po falimentojnë

Lulzim Basha thotë se paaftësia e qeverisë Rama ka bërë që shumë biznese të vogla të ulin qepenat dhe të falimentojnë. Sipas kreut të PD-së mosardhja në ndihmë ndaj kësaj kategoria në një periudhë kaq të vështirë është vrastare, në një kohë kur biznesi i vogël punëson 70% të shqiptarëve.

Më tej Basha propozon një lloj tjetër takse ndaj kësaj kategoria, që do ta shpëtojë nga mbyllja ose falimentimi.

"Paaftësia e qeverisë Rama për ti ardhur në ndihmë ekonomisë në këtë kohë krize të thellë, është vrastare për biznesin e vogël i cili punëson 70% të shqiptarëve. Ritmet e mbylljes së bizneve të vogla po rriten cdo muaj. Sot ato po ulin masivisht qepenat duke lënë pa punë mijëra familjarë prej taksave të larta, korrupsionit dhe tarifave të shumta të pushtetit lokal.

Plani ynë ekonomik ka në themel të tij mbështetjen dhe nxitjen e bizneseve të vogla si gjenerator të punësimit të shqiptarëve. Një taksë e vetme sa 0.5% e xhiros, dhe do të heqim të gjitha taksat dhe tarifat lokale, për të luftuar informalitetin, për të rritur fitimin dhe për të nxitur punësimin. Karantinimi i çdo inspektoriati për 1 vit, deri në një reformë të vërtetë të standarteve europiane, do të zhdukë terrorin e bandave të inspektoriateve dhe do të rivendosë dinjitetin dhe lirinë e sipërmarrjess.

Shqiptarët meritojnë dhe do të kenë një qeveri që me përgjegjshmëri dhe seriozitet do ti kthejë frymëmarrjen ekonomisë sonë. #ditemetemira"-shkruan Basha.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi