Receta

Paçe kockash nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 29 Shtator 2022, 11:32 | Përditesimi: 29 Shtator 2022, 11:33

Paçe tradicionale

Përbërësit:

800 gr - 1 kg këmbë viçi
1 kokërr qepë
2-3 karrota
2 degë selino
2-3 gjethe dafine
50 gr gjalpë
4-5 thelpinj hudhër
2-3 lgj uthull
spec djegës
kripë, piper

Përgatitja:

LEXO EDHE:
Bakllava me kadaif dhe arra nga zonja Albana

Fillimisht vendosim kockat e këmbëve të viçit (pasi janë pastruar mirë) të vlojnë në një tenxhere me ujë të ftohtë. Pasi të kenë marrë valë largojmë shkumën dhe kockat nga tenxherja. Me anë të një piruni marrim pjesën e palcës së kockave dhe e shtojmë në lëngun e vluar së bashku me pjesët e mishit që janë shkëputur nga kocka. Qepën, karrotat dhe selinonë i grijmë në kubikë të vegjël, i shtojmë në tenxhere së bashku me 2-3 gjethe dafine, rregullojmë shijen me kripë dhe piper dhe e lemë paçen të gatuhet në temperaturë mesatare.

Ndërkohë në një tigan shkrijmë pak gjalpë, shtojmë pak nga lëngu i kockave, specin djegës, hudhrat e shtypura, uthullën dhe piperin e zi dhe e shtojmë para se të servirim paçen.

MC/Shqiptarja.com

TAG: