TIRANË- Në Gjykatën Kushtetuese është dorëzuar padia e dytë kundër ndryshimeve në Kodin Zgjedhor, sipas të cilave lista e kandidatëve për deputetë është e mbyllur në 1/3 dhe 2/3 e hapur.
Përfaqësues të partive ‘Shqipëria Bëhet’ e Adriatik Lapajt dhe ‘Nisma Thurje’ e Endri Shabanit depozituan sot padinë në Gjykatën Kushtetuese, ndërsa hodhën akuza se ndryshimet u arritën pas një pakti mes Edi Ramës dhe Sali Berishës që kërkojnë të kthejnë sistemin e 2008.
Shabani ka theksuar se ndryshimet e miratuara i heqin të drejtën shqiptarëve për të votuar kandidatin dhe alternativën preferuese, duke qenë se u imponohen përfaqësues që mund të jenë të padëshiruar për votuesin në listën e mbyllur. Nga ana tjetër Shabani tha se Berisha dhe Rama mendojnë se vetëm ata të dy e kanë të drejtën të zgjedhin deputetët dhe jo shqiptarët.
“Edi Rama dhe Sali Berisha mendojnë se vetëm ata të dy e kanë të drejtën të zgjedhin deputetët, ne mendojmë se kjo është e drejtë e shqiptarëve, përmes listave të hapura. Ata s’mund të na imponojnë ne që të hyjmë në zgjedhje me listat e mbyllura. Në 2021, shqiptarët e ushtruan të drejtën e tyre për të votuar preferencën e tyre. Këta duan që t’ia heqin këtë të drejtë. Mendojmë se kushtetuesja do i shfuqizojë këto ndryshime, është betejë për Kushtetutën e Shqipërisë. Ata u bënë prapë bashkë, njësoj si në 2008 për të rikthyer sistemin e 2008.
Ne po ja adresojmë Gjykatës Kushtetuese këto ndryshime, për ti shfuqizuar për disa arsye, por në thelb, kush e ka pushtetin për të zgjedhur deputetet. Rama dhe Berisha mendojnë se këtë të drejtë e kanë ata të dy. Ne besojmë që kjo është e drejtë kushtetuese e shqiptarëve. E dyta është imponim që i bëjnë jo vetëm votuesve të vetë, por edhe votuesve të Nismës Thurje apo Shqipëria Bëhet. Ata detyrojnë çdo subjekt që të futen me lista të mbyllura. Besojmë që Gjykata Kushtetuese të shfuqizojë këto ndryshime”, tha Shabani.
Kujtojmë që dy javë më parë Enkelejd Alibeaj dhe Dashamir Shehi, po ashtu dërguan në Kushtetuese ndryshimet e reja zgjedhore. Ndërkohë sot, përfaqësuesi i tyre ligjor, Rezart Kthupi i është drejtuar me një kërkesë Gjykatës Kushtetuese, përmes së cilës kërkon që padia e tyre kundër listave të mbyllura të shqyrtohet me prioritet.
Mazhoranca dhe opozita arritën dakordësi për listat e kandidatëve për deputet për zgjedhjet e 2025-ës. Pas një seancë maratonë Kuvendi miratoi në 26 Korrik me 106 vota pro, 2 kundër dhe asnjë abstenim, ndryshimet e reja në Kodin Zgjedhor që parashikon që lista e deputetëve nuk do të jetë tërësisht e hapur. 1/3 do të jetë e mbyllur dhe ekskluzivitet i kryetarit të partisë dhe nuk i nënshtrohet votës preferenciale.
Ndërsa kandidatët në 2/3 e listës do të luftojnë për të fituar qoftë edhe një votë më shumë se të tjerët. Për herë të parë, në zgjedhjet parlamentare të 2025 pritet të votojnë shqiptarët që jetojnë jashtë.
Kërkesa e përfaqësuesit të Alibeajt për të shqyrtuar padinë me prioritet
Lajme të tjera
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
'Bie' Holta Zaçaj, kolegët në Kushtetuese votojnë që mandati t'i përfundojë më 10 mars 2025
23 Dhjetor, 16:04 -
Mali i Zi, opozita bojkoton Parlamentin për shkak të Gjykatës Kushtetuese
22 Dhjetor, 08:07 -
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Ripërtëritja e Kushtetueses/ Syri kërcënon anëtarët e Gjykatës: Burg nëse ndërprisni mandatin e gruas së Andi Bejtjes, shefit të lajmeve te Syri Tv
17 Dhjetor, 16:47 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
Kriza me Gjykatën Kushtetuese, Karaj: Zaçaj ka firmosur mandatin e lënë nga Vitore Tusha deri në mars! Flogert Muça: Amerikanët nuk kanë reaguar, ky është mesazhi!
16 Dhjetor, 22:31 -
Spahiu: Përplasja e Gjykatës së Lartë me Kushtetuesen, rast i paprecedent në historinë e Shqipërisë
16 Dhjetor, 21:53 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57
