Padia në SPAK për Begajn, Rama: Nuk më bën përshtypje, paditë në Shqipëri janë sport kombëtar

 

Kryeministri Edi Rama ka komentuar padinë në SPAK për Bajram Begajn për përdorimin e detyrës për pronat e ushtrisë duke thënë se në vendin tonë paditë janë një nga sportet kombëtare ndaj nuk i bën përshtypje.

“Këto janë muhabete palidhje sepse padira në këtë vend ka shumë dhe padirat në këtë vend janë një nga sportet kombëtare që janë zhvilluar shumë me proceset demokratike sepse më parë zhvillohej në formën e letrave anonime. Kështu që nuk më bën asnjë përshtypje ky fakt. Ajo që më vjen mirë dhe për të cilën jam këtu para jush për herë të fundit para jush për këtë temë është që kemi mundur të japim shembull se nuk jemi për vete, por me ta dhe për ta. Këtë e tregon koha.

LEXO EDHE:
Presidenti Begaj viziton varrezat e viktimave të genocidit çam

Çdo kush vlerësohet në veprim çdo ditë, në punë çdo ditë, me rezultatet që arrin çdo ditë. Ajo që është përmbyllur sot është puna e një periudhe jo të shkurtër dhe aspak të lehtë e gjithë lidershipit të PS për të arritur në këtë rezultat”, tha Rama.

Lajmi kryesor:

Bajram Begaj president/ SHBA-BE-OSBE: Mezi presim të bashkëpunojmë! Rama: Figurë me integritet që s’diskutohet! Meta: Urime (REAGIMET)

/r.k./Shqiptarja.com

TAG:
• Bajram Begaj
• bajram begaj zgjidhet president