POP 5

Lajmet më të lexuara të 5 minutave të fundit

Politikë

Paditë në SPAK për Nallbatin e Sinajn, precedenti që i ‘zhbën’! Gjykata e Lartë: Grushtet në Kuvend jo vepër penale

Dy padi janë depozituar në SPAK për përplasjen fizike të seancës të së hënës. PS ka paditur Bledion Nallbatin, deputetin e Rithemelimit, për ‘goditje për shkak të detyrës’, ndërsa edhe Rithemelimi njoftoi padinë ndaj deputetit Sinaj, i cili sipas tyre ka qenë ai që ka goditur. SPAK ka kërkuar sekuestrimin e pamjeve filmike, ndërsa Prokuror i çështjes është caktuar Elvin Gokaj.

Ky moment, kur deputeti i Rithemelimit Bledion Nallbati goditi me grusht kolegun socialist Vullnet Sinaj në seancën parlamentare të 30 tetorit, ka bërë që të dy protagonistët të kallëzohen në SPAK.

Për Partinë Socialiste goditja e Nallbatit ndaj kolegut Sinaj përbën vepër penale dhe për këtë kryetari i grupit parlamentar socialist Bledi Çuçi ka firmosur kallëzimin penal të cilin e ka dorëzuar në Prokurorinë e Posaçme Kundër Korrupsionit dhe Krimit të Organizuar.

Goditje këtu e ka parë edhe Rithemelimi por në këndvështrim të kundërt. Kryetari i grupit Gazment Bardhi në një dokument që edhe ai mban datën 31 tetor ka firmosur kallëzimin penal ndaj deputetit Sinaj. Të dyja kallëzimet janë për veprën penale të "Goditjes për shkak të detyrës".

Kjo nuk do të ishte hera e parë që një deputet do të shkonte para gjykatës për shkak të dhunës ndaj kolegëve në parlament.

Më 14 korrik në vitin 2014 deputetët e atëhershëm Arben Ndoka dhe Pjerin Ndreu goditën deputetin Strazimiri dhe Prokuroria e Përgjithshme i mori të pandehur. Çështja u shqyrtua në Gjykatën e Lartë, e cila mbylli dosjen duke argumentuar se akte të tilla nga ana e deputetëve nuk përbëjnë vepër penale dhe si të tilla, duhet të gjykohen administrativisht nga vetë Kuvendi i Shqipërisë.

Në vendimin e 10 qershorit 2015 Gjykatësit më të lartë në vend arsyetuan se çështja penale e nisur nga prokuroria pas denoncimit të Partisë Demokratike, nuk duhej të kishte nisur si çështje penale pasi veprime të tilla përbëjnë tejkalime të lirisë parlamentare, shkelje të cilat gjykohen dhe ndëshkohen nga vetë Kuvendi.

Nëse edhe në rastin e Nallbati apo Sinaj ky vendim i Gjykatës së Lartë do të konsiderohet si precedent apo jo nga SPAK pritet të shihet në ditët në vijim.

B.K/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Vëllai i Elon Musk viziton Italinë, takime me ministra dhe Melonin në kryeministri! Opozita: Palazzo Chigi duket si një zyrë satelitore, tregoni çfarë diskutuat

Vëllai i Elon Musk viziton Italinë, takime me ministra dhe Melonin në kryeministri! Opozita: Palazzo Chigi duket si një zyrë satelitore, tregoni çfarë diskutuat

24 Janar, 21:12