POP 5

Lajmet më të lexuara të 5 minutave të fundit

Kronikë

Pafajësia e A.Frrokut në Apel
Akuza: Vendim i gabuar, dënim!

Pas dy seancave të shtyra, Gjykata e Apelit hapi këtë të premte procesin në të cilin Prokuroria e Apelit të Krimeve të Rënda kërkon dënimin me burg të përjetshëm për Arben Frrokun dhe anulimin e vendimit të Gjykatës së Shkallës së Parë që e shpalli të pafajshëm biznesmenin për vrasjen e kryekomisarit Dritan Lamaj në shkurt të 2013-ës.  VIDEO
Pafajësia e A.Frrokut në Apel<br />Akuza: Vendim i gabuar, dënim!
TIRANË - Pas dy seancave të shtyra, Gjykata e Apelit hapi këtë të premte procesin në të cilin Prokuroria e Apelit të Krimeve të Rënda kërkon dënimin me burg të përjetshëm për Arben Frrokun dhe anulimin e vendimit të Gjykatës së Shkallës së Parë që e shpalli të pafajshëm biznesmenin për vrasjen e kryekomisarit Dritan Lamaj në shkurt të 2013-ës.
 
Prokurori Bujar Shehi paraqiti argumentet e organit të akuzës duke deklaruar se Shkalla e Parë ka gabuar me vendimin e pafajësisë ndaj Frrokut, pasi sipas tij duhej marrë për bazë dëshmia e dëshmitarit të mbrojtur Arben Ndoka (emrin e vendosur nga drejtësia).
 
Vetë Frroku nuk ishte i pranishëm në seancën e pretencës, ndërsa avokati Tonin Prendi kërkoi kohë për të shpallur pretendimet e mbrojtjes. Gjykata e Apelit për Krimet e Rënda pritet të dalë me një vendim më 22 Qershor. 

Vetë Frroku e ka mohuar gjithmonë akuzën, duke pranuar se ka pasur konflikte me Dritan Lamaj por duke përjashtuar se ai është autori vrasjes me pretendimin se kur ka ndodhur ngjarja ai ka qenë duke udhëtuar drejt Greqisë.

Arben Frroku fitoi pafajësinë më 8 Prill të këtij viti, ndërsa prej më shumë se dy vitesh ai ishte i pandehur nga drejtësia për vrasjen e Dritan Lamajt më 24 shkurt të 2013-ës.

Redaksia Online
(Gre.M/Shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59