FIER- Paga e marrë nga puna në fasoneri është e vetmja mënyrë për të ushqyer 5 fëmijët, prandaj është detyruar që të dalë në protestë, së bashku me kolegët e tjerë, për të kërkuar pagën e luftës. Vështirësia e madhe ekonomike e ka detyruar këtë punonjëse, që të dalë në shesh mes rrezikut të infektimit. Ajo shprehet ka nisur të kërkoj një punë tjetër, por në këtë situatë për shkak të COVID-19, e ka pasur të vështirë.
"S'kam asnjë të ardhur, kam 5 fëmijë më këtë rrogë po ushqehesha, nuk kam nga të vete, prandaj kam dalë këtu që të paktën të marrë pagën e luftës. Po mundohemi që të gjejmë një punë tjetër, po s'po mundemi dot", shprehet punonjës.
Punonjësit e kësaj fasoneri në Fier bëjnë fajtor përgjegjësit, sipas të cilëve ua mohojnë pagën e luftës. " Kompania e madhe është në Berat, ka hapur një filial në Fier, prodhon canta kartoni. Kemi punuar deri më 12 mars, pastaj puna u mbyll. Kemi vajtur te tatimet për paketën e dytë, na kanë thënë që ju kanë larguar në datën 7. Jemi rreth 35 punëtor. E dyta është aplikimi që ekonomistët nuk po na bëjnë, se ne nuk dalim në sistem nëse nuk ai nuk na regjistron. Kryeministri Edi Rama ka thënë për paketën e dytë 400 mijë punëtorët që kanë humbur punën për shkak të kësaj situate e përfitojnë. Ne na thonë zyrat e ndërmarrje, se vetëm me atë kemi lidhje, ne nuk dimë kush është pronari, kush është administratori dhe ekonomisti, vijnë përgjegjësit në mëngjes dhe ikin nga puna, kaq. Thonë që keni 4 muaj punë nuk e përfitoni, 4 muaj punë është e paketës së parë që kërkon 12 muaj punë për të përfituar asistencës, po të paktën 400 duhet ta përfitojmë", tha një prej punonjësve.
![](https://shqiptarja.com/template/img/NO_ALFA_Kuadrate shqiptarja.png)
Ato premtojmë se nuk do ta "lënë me kaq", por pa bërë me dije hapat e tjera që do të ndjekin. "Do shkojmë lart e më lartë, të mos kujtoj askush që do e lëmë me kaq. Janë tallur me ne se i kemi 'pronto' për çdo gjë. Nëse ato janë tallur me ne, do të tallemi edhe më shumë me ata, se fundja- fundit ato janë një hiç para nesh", u shpreh një tjetër.
Megjithatë, kryeministri Edi Rama teksa ka prezantuar planin e dytë financiar, ka sqaruar se e përfitojnë ato punonjës puna e të cilëve është mbyllur ose janë shkarkuar nga detyra. Në këtë rast, kjo fasoneri, ku nuk ka pasur asnjë të prekur, është mbyllur me vendim të vetë pronarëve.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)