Pagat e reja për pedagogët dhe
punonjësit në Universitete/ Tabela

Zbardhet vendimi i qeverisë për pagat e reja që do të kenë profesorët, lektorët por edhe drejtuesit e instiucioneve arsimore. Këshu një profesor do të paguhet më 121 mijë lekë në muaj, ndërkohë që një profesor i asociuar do të ketë një pagë prej 105 mijë lekë.

Ndërkohë Rektorët do të kenë një pagë prej 139 mijë lekë, ndërsa zv.rektorët dhe dekanët do të kenë pagë më të lartë se 130 mijë lekë. Në vendimin e saj qeveria ka sqaruar edhe sa do përfitohet për orët e leksionit ose seminarit.

“Kur janë në kategorinë “Profesor”, përfitojnë 1 320 lekë për çdo orë 60-minutëshe. Kur janë në kategorinë “Profesor i Asociuar”, përfitojnë 1 210 lekë për çdo orë 60-minutëshe.

Kur janë në kategorinë “Docent”, përfitojnë 1 100 lekë për çdo orë 60- minutëshe. Kur janë “Lektor i parë”, përfitojnë 880 lekë për çdo orë 60- minutëshe. Kur janë “Lektor”, përfitojnë 660 lekë për çdo orë 60- minutëshe”, - thuhet në vendimin e qeverisë.

Pagat
Pagat e reja pedagogët do ti përfitojnë duke filluar nga data 1 mars, pavarisht se vendimi i qeverisë është publikuar ditën e djeshme në Fletoren Zyrtare. Në këtë mënyrë të gjithë profesorët dhe drejtuesit e institucioneve do të marrin shtesën në pagë, duke filluar nga paga e muajit mars.

Pagat e pedagogëve nuk u miratuan bashkë me pagat e zyrtarëve të tjerë shtetërorë, për shkak se u kthyen mbrapsht nga Ministria e Financave, pasi nuk ishin llogaritur saktë. Pagat e profesorëve kanë pësuar një rritje të ndjeshme, dukë filluar nga 10 mijë lekë të reja.

Bashkë me rrogat e pedagogëve qeveria ka rritur të gjitha pagat e tjera në institucionet shtetërore, duke filluar me 7%. Rritjen më të madhe e kanë përfituar lektorët, profesorët e asiosuar dhe profesorët.




dy.b/shqiptraja.com