POP 5

Lajmet më të lexuara të 5 minutave të fundit

Media

Pajisjet e televizionit të Rezart
Taçit dalin në ankand

Ankandi i parë për shitjet e disa pajisjeve televizive të ish-televizionit ALSAT ka dështuar, duke i detyruar përmbaruesit të ulin çmimin dhe të shpallin një ankand të dytë deri në datën 23 mars.
Pajisjet e televizionit të Rezart<br />Taçit dalin në ankand
Ankandi i parë për shitjet e disa pajisjeve televizive të ish-televizionit ALSAT ka dështuar, duke i detyruar përmbaruesit të ulin çmimin dhe të shpallin një ankand të dytë deri në datën 23 mars.

Pajisjet në shitje janë: instalimet teknike specifike me nr. Llogarie 2131+2183, skenografinë me nr. llogarie 21802, studio Skaner – Botërori 2010 me nr. Llogarie 218020 dhe pajisje zyre dhe informatike me nr. llogarie 21820, sipas Marrëveshjes Barrë Siguruese Nr.337 Rep., Nr.171 Kol., datë 17.06.2014.
Ndërsa vlera e tregut të tyre ishte 142 mijë euro dhe çmimi fillestar në ankandin e parë u caktua 113 mijë euro, pas rivlerësimit të ri, në ankandin e dytë çmimi ka zbritur në 79.6 mijë euro, sipas njoftimit nga kompania përmbarimore TDR Group.

Shitja bëhet për llogari të Bankës Veneto, ndaj së cilës ALSAT ka një kredi, ku dorëzanës ka qenë dhe shoqëria e tregtimit të naftës Kuarta. Të dy kompanitë kanë qenë pjesë e grupit tashmë të falimentuar, Taçi Oil.

Alsat (edhe ai pjesë e Taçi Oil Group) u mbyll në qershor 2015. Sipas të dhënave të bilancit të vitit 2013, realizoi një qarkullim vjetor prej  323 milionë lekësh në vitin 2013 (rreth 2.3 milionë euro), me një rënie prej 33% në raport me një vit më parë. Sipas xhiros, Albanian Screen ishte në atë kohë televizioni i katërt më i madh në vend, pas Top Channel, Klan dhe Vizion Plus. Për periudhën 2012-2013, televizioni rezultoi me një humbje prej rreth 30 milionë lekësh, përkatësisht për secilin vit.

Edhe lista e urdhrave të sekuestros mbi Alsat është shumë e gjatë, ku një pjesë të konsiderueshme e zënë individët (kryesisht ish-punonjës), që kërkojnë sigurimet dhe pagat e prapambetura, pasi e kanë fituar këtë të drejtë në gjykatë. (Monitor)

Redaksia Online
(B.K/Shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

I emëruar i Trumpit për emigracionin mbikqyri një valë deportimesh në të kaluarën

I emëruar i Trumpit për emigracionin mbikqyri një valë deportimesh në të kaluarën

28 Nëntor, 18:37