Largimi i Çelikut vjen vetëm disa javë përpara rikthimit të Kombëtares Kuqezi në datën 5 Shtator, pasi Shqipëria nis fushatën eliminatore të Botërorit 2018 kundër Maqedonisë në “Loro Boriçi” të Shkodrës.
Por pas dorëheqjes së doktorit sipas Telesport nuk fshihen arsyet personale, por çështja e shpërblimit pas kualifikimit të Shqipërisë në Euro 2016.
Mjeku Arben Çeliku sipas Telesport u largua pas pakënaqësive në mënyrën e ndarjes së shpërblimeve të kualifikimit, teksa puna e stafit mjekësor nuk është vlerësuar ashtu si duhet sipas tij.
Stafi mjekësor i kombëtares shqiptare përbëhej nga Arben Çeliku, Filippo Iori (osteopat), Ylli Mihali (fizioterapist) dhe Alban Merepeza (kiropraktor).
d.b/shqiptarja.com